Messi yana da kwallo 100 a gasar Zakarun Turai

Barcelona Hakkin mallakar hoto Getty Images
Image caption Messi ya ci kwallo 100 a wasa 123 da ya buga a Gasar Cin Kofin Zakarun Turai

Dan wasan Barcelona, Lionel Messi ya ci kwallo 100 a Gasar Cin Kofin Zakarun Turai, bayan da ya ci Chelsea biyu a ranar Laraba a Camp Nou.

Barcelona ta yi nasarar cin Chelsea 3-0 a Camp Nou, bayan da ta buga 1-1 a Stamford Bridge, jumulla ta kai zagayen daf da na kusa da na karshe a gasar ta Zakarun Turai da ci 4-1.

Haka kuma Messin ya ci kwallo mafi sauri a kwallayen da yake ci a Gasar Cin Kofin Zakarun Turai, bayan da ya zurawa Chelsea kwallo a minti biyu da dakika takwas da fara wasa a ranar Laraba.

Dan wasan Real Madrid, Cristiano Ronaldo ne kan gaba da cin kwallaye a Gasar da guda 117 a fafatawa 148, Messi ne na biyu da kwallo 100 a karawa 123 da ya yi.

Ga jerin wadanda ke kan gaba a cin kwalaye a Gasar Cin Kofin Zakarun Turai.

'Yan kwallo Buga wasanniKwallaye

  1. Cristiano Ronaldo 148 117
  2. Lionel Messi 123100
  3. Raul 142 71
  4. Ruud van Nistlerooy7356
  5. Karim Benzema 10053
  6. Thierry Henry 11250
  7. Zlatan Ibrahimovic12048
  8. Andriy Shevchenko10048
  9. Filippo Inzaghi 8146
  10. Robert Lewandowski6845

Bajintar da Messi ya yi

Hakkin mallakar hoto BBC Sport

Labarai masu alaka