Koriya ta cire Jamus daga Russia 2018

Jamus Hakkin mallakar hoto Getty Images
Image caption Jamus ce ta lashe gasar cin kofin duniya wadda aka yi a kasar Brazil a shekarar 2014

Kasar Koriya ta Kudu ta cire Jamus daga gasar Cin Kofin Duniya wadda ake ci gaba da yi a kasar Rasha, bayan ta doke ta da ci 2-0.

Koriya ta jefa kwallon farko ne a minti 92 - ta hannun Kim Young-gwon, sai kwallon da Son Heung-min ya ci a cikin minti na shida da aka kara kafin kammala wasan.

Kasar Jamus ce take rike da kofin bayan ta lashe gasar da aka yi a kasar Brazil a shekarar 2014.

A rukunin F, kasashen Sweden da Mexico ne suka tsallake zuwa gayayen gaba na gasar, yayin da Koriya ta Kudu da Jamus suka fita daga gasar.

Rabon da a fitar da Jamus daga gasar a matakin rukuni tun a shekarar 1938, kuma sau hudu kasar ta lashe gasar a tarihi.

Hakkin mallakar hoto Getty Images
Image caption 'Yan wasan Koriya ta kudu sun yi murna duk da an fitar da su a gasar duniya.

Karanta wadansu karin labarai