Har yanzu ba a doke Liverpool a Premier ba

  • 21 Disamba 2018
Liverpool Hakkin mallakar hoto Getty Images

Liverpool ta doke Wolverhampton da ci 2-0 a wasan mako na 18 a gasar cin kofin Premier da suka fafata a ranar Juma'a.

Liverpool ta ci kwallo ta hannun Mohamed Salah a minti na 18 da fara tamaula, sannan mai tsaron baya Virgil van Dijk ya kara na biyu bayan da aka koma daga hutu.

Da wannan sakamakon har yanzu ba a doke Liverpool ba a gasar ta Premier, tana ta daya a kan teburi da maki 48.

Jumulla Liverpool ta buga wasa 18 a gasar shekarar nan, inda ta ci fafatawa 15 da canjaras uku, sannan ta ci kwallo 39 aka zura mata bakwai a raga.

Wasannin da za a buga a ranar Asabar:

  • Arsenal da Burnley
  • Chelsea da Leicester City
  • Manchester City da Crystal Palace
  • Newcastle United da Fulham
  • West Ham United da Watford
  • Huddersfield Town da Southampton
  • Bournemouth da Brighton & Hove Albion
  • Cardiff City da Manchester United

Labarai masu alaka