Yadda aka lallasa Man City da Chelsea a gida

Manchester City v Palace Hakkin mallakar hoto Reuters
Image caption Karon farko cin shekara 26 da Palace ta doke City a gida

Manchester City ta sha kashi a gidanta 3-2 a hannun Crystal Palace, yayin da Leicester City ta doke Chelsea 1-0 a Stamford Bridge.

Karon farko ke nan a shekaru kusan 26 da Palace ta samu nasara kan Manchester City a gidanta.

Wannan kuma ya kara dakushe burin Manchester City na kare kofin Firimiya da ta lashe a kakar da ta gaba.

Manchester City ce ta fara zuwa kwallo a raga, daga baya kuma Crystal Palace ta rama kuma ta sake zurara wasu kwallayen a ragar City.

Yanzu Liverpool ta kara ba Manchester City tazarar maki hudu a teburin Firimiya bayan ta doke Woles 2-0 tun a ranar Juma'a.

Liverpool, wacce kusan a kaka uku a baya tana dare wa teburin Firimiya amma ba tare da lashe kofin gasar ba, yanzu tana da maki 48 a wasa 18, makin da Chelsea ce kawai a kakar 2005-06 da kuma Manchester City a bara suka taba samu kafin rabin kaka.

Jamie Vardy ne ya taimaka wa Liecester doke Chelsea inda ya kawo karshen wasa uku a jere da Leicester ke kai ziyara Stamford Bridge tana fita ba nasara.

Nasara ta biyu ke nan da Leicester ta samu a wasanni shida da ta buga a Firimiya.

Hakkin mallakar hoto Getty Images
Image caption Yadda Verdy ya ci Chelsea

A daya bangaren kuma, Arsenal da ke matsayi na biyar a tebur ta casa Burnley ne 3-1 a Emirates.

Rashin nasarar da Manchester City da Chelsea suka yi wata dama ce ga Manchester United domin rage yawan makin da ke tsakaninsu idan ta doke Cardiff.

Hakkin mallakar hoto Getty Images
Image caption Liverpool ta ba City tazarar maki hudu

Labarai masu alaka