Young ya tsawaita zamansa a United

Ashley Young Hakkin mallakar hoto Getty Images

Manchester United ta sanar cewar mai tsaron baya Ashley Young ya saka hannu kan yarjejeniyar shekara daya, domin ci gaba da taka-leda a kungiyar.

Dan wasan mai saka riga mai lamba 18, zai ci gaba da zama a United har zuwa karshen kakar 2019/20.

Young ya ci kwallo 17 a wasa 227 da ya buga wa United tun komawarsa Old Trafford daga Aston Villa a 2011.

Dan wasan mai shekara 33, ya lashe Community Shield da Premier League da FA da League Cup da kuma UEFA Europa League.

Labarai masu alaka