Arsenal ta koma ta uku a teburin Premier

Arsenal Hakkin mallakar hoto Getty Images

Arsenal ta dare mataki na uku a teburin Premier League, bayan da ta doke Newcastle United 2-0 a karashen wasan mako na 32 da suka yi a Emitates ranar Litinin.

Arsenal ta ci kwallo ne ta hannun Aaron Ramsey saura minti 10 aje hutu, sannan ta kara na biyu ta hannun Alexandre Lacazette saura minti bakwai a tashi daga karawar.

Da wannan sakamakon Arsenal ta koma ta uku a kan teburin Premier da maki 63, cikin 'yan hudun farko da za su iya wakiltar Ingila a gasar Zakarun Turai ta Champions League a badi.

Arsenal tana buga gasar Europa League har ta kai karawar daf da na kusa da na karshe, inda za ta fafata da Napoli ranar Alhamis 11 ga watan Afirilu a Emirates.

Arsenal za ta ziyarci Everton a wasan mako na 33 a gasar ta Premier ranar 7 ga watan Afirilu a karawar da za su yi a Goodison Park.

Sauran wasannin da Arsenal za ta yi a Premier

Lahadi 7 Afirilu 2019

  • Everton da Arsenal Goodison Park

Litinin 15 Afirilu 2019

  • Watford da Arsenal Vicarage Road

Lahadi 21 Afirilu 2019

  • Arsenal da Crystal Palace Emirates Stadium

Laraba 24 Afirilu 2019

  • Wolves da Arsenal Molineux Stadium

Litinin 29 Afirilu 2019

  • Leicester da Arsenal King Power Stadium

Asabar 4 Mayu 2019

  • Arsenal da Brighton Emirates Stadium

Lahadi 12 Mayu 2019

  • Burnley da Arsenal

Labarai masu alaka