Pep Guardiola: 'Gasar Premier tana da wahala sosai'

Pep Guardiola Hakkin mallakar hoto Getty Images
Image caption City tana neman sake lashe gasar Premier karo na biyu a jere

Kocin Manchester City Pep Guardiola ya ce gasar premier ita ce gasa mafi wahala yayin da kungiyarsa take kokarin sake lashe gasar karo na biyu a jere.

Guardiola ya lashe kofuna a Spain da Germany a matsayin koci kuma zai sake lashe gasar Premier karo na biyu idan kungiyarsa ta doke Leicester a ranar Litinin da kuma Brighton ranar Lahadi.

"Saboda yadda kungiyoyi abokan hamayya suke da kwarewa, wannan gasa babu shakka tana da wahala sosai," in ji shi.

"Wannan ya sa kasancewa a saman teburin yake da wahala."

City da Liverpool suna kankankan da juna a kokarin kowannesu na lashe kofin.

City ta lashe gasar da maki 100 a kakar bara, amma kafin bana Liverpool ta taba zama ta biyu a shekarar 2009 a gasar.

Duk kungiyar da ta kasance a matsayi na biyu za ta samu maki mafi yawa a tarihin gasar.

Labarai masu alaka