Inter Milan ta nada Antonio Conte koci

Antonio Conte Hakkin mallakar hoto Getty Images
Image caption Antonio Conte ya lashe kofin FA a 2018 FA a wasan shi na karshe a Chelsea

Inter Milan ta dauki Antonio Conte a matsayin koci bayan ta kori Luciano Spalletti.

Conte mai shekara 49 ya Italiya ne bayan Chelsea ta kori shi a bara.

Ya shafe shekaru biyu a Stamford Bridge, inda ya lashe kofin Premier da FA, bayan kuma ta dauki kofin Seria A sau uku a jere a Juventus.

Karkashin Spalletti, Inter ta kasance ta hudu a tebur, wanda ya ba ta damar tsallakewa zuwa zakarun Turai.

"Zan fara wani babin sabuwar rayuwa," a cewar Conte wanda tsohon dan wasan Italiya ne da Juventus.

Kocin ya yi alkawalin dawo da martabar Inter a Seria A.

Shugaban Inter Milan Steven Zhang ya ce Conte yana cikin fitattun masu horar da 'yan wasa, kuma ya yi imanin zai jagoranci Inter ga nasarori.

Labarai masu alaka

Shafuka masu alaka

BBC ba tada alhaki game da shafukan da ba nata ba