Firimiyar 2019-2020: Man United za ta fara karawa da Chelsea

Manchester City lift the Premier League trophy Hakkin mallakar hoto Getty Images
Image caption Manchester City ce mai rike da kanbun gasar ta Firimiya

An bayyana jadawalin gasar Firimiya ta Ingila ta kakar 2019-2020 inda Manchester United za ta karbi bakuncin Chelsea a ranar Lahadi 11 ga watan Agusta.

Za a bude gasar ne a ranar Juma'a 9 ga watan Agusta, inda Liverpool za ta kece raini da Norwich City wacce ta dawo Firimiya a bana bayan lashe gasar Championship.

Masu rike da kanbun gasar Manchester City za su fara na su wasan ne a West Ham United.

Aston Villa da Sheffield United, wadanda duka sabbi ne a gasar, za su fafata da Tottenham da kuma Bournemouth.

Arsenal, wacce ta kare a mataki na biyar a kakar da ta gabata, za ta yi tattaki ne zuwa Newcastle domin buga wasanta na farko.

Latsa nan domin karanta cikakken jadawalin na wata-wata.

Labarai masu alaka