An cire wa Messi takunkumin yi wa Argentina kwallo

Lionel Messi Hakkin mallakar hoto AFP

Sunan Lionel Messi na cikin tawagar 'yan wasan Argentina da za su buga wasa da Brazil da Kuma Uruguay a wata mai kamawa, bayan dakatarwar wata uku da aka yi masa daga buga wa kasarsa wasanni.

Dan wasan gaban Barcelonan mai shekaru 32, an ba shi jan kati ne a wasan Agentina da Chile na neman matsayi na uku a gasar Copa America wanda kuma Chilen ta samu nasara kansu a ranar 6 ga watan Yulin da ya gabata.

An dakatar da shi ne bayan ya yi ikirarin masu shirya gasar " 'yan rashawa ne".

Messi wanda ya ci wa Barcelona kwallo biyar a wannan kakar, wasannin hudu ne kawai bai buga wa Argentinan ba yayin dakatarwar.

Argentina za ta kara da Brazil a ranar 15 ga watan Nuwamba a Saudiya, ta kuma buga da Uruguay ranar 18 ga watan dai shi kuma a kasar Isra'ila.

Cikakkiyar tawagar

Masu tsaron raga: Agustin Marchesin, Juan Musso, Emiliano Martinez, Esteban Andrada

Yan baya: Juan Foyth , Renzo Saravia, Nicolas Otamendi, German Pezzella, Marcos Rojo, Walter Kannemann, Nicolas Taglafico, Nehuen Perez, Guido Rodriguez

Yan tsakiya: Giovani lo Celso, Leandro Paredes, Nicolas Dominguez, Rodrigo de Paul, Marcos Acuna, Roberto Pereyra, Lucas Ocampos

Yan gaba: Lionel Messi, Sergio Aguero, Nicolas Gonzalez, Lucas Alario, Lautaro Martinez, Paulo Dybala