An tube Xhaka Kaftin na Arsenal an ba Aubameyang

Granit Xhaka Hakkin mallakar hoto AFP
Image caption Granit Xhaka ya fusata bayan cire shi a wasan Arsenal da Crystal Palace a ranar 27 ga Oktoba.

Kocin Arsenal Unai Emery ya tube Granit Xhaka a matsayin kaftin inda ya nada Pierre-Emerick Aubameyang

Matakin tube Xhaka, mai shekara 27 mukaminsa na kaftin ya shafi bacin ran da ya nuna tsakanin da magoya baya a wasan da Arsenal ta tashi 2-2 da Crystal Palace a ranar 27 ga Oktoba.

"Na gana da shi kuma na shaida ma sa cewa yanzu ba shi ba ne kaftin," in ji Emery

"Kuma ya amince da matakin da na dauka, domin dole na dauki mataki," in ji Emery

A watan da ya gabata an yi wa dan wasan ihu a yayin da yake fita filin Emirates, matakin da ya sa ya rufe kunnuwansa tare da tube riga.

Xhaka, dai ya taimakawa Arsenal zuwa wasan karshe na lashe kofin League a 2018 da kuma zuwa wasan karshe a gasar zakarun Turai ta Europa a bara.

Hakkin mallakar hoto AFP
Image caption Granit Xhaka, ya buga wa Arsenal wasa 144

Labarai masu alaka

Labaran BBC

Shafuka masu alaka

BBC ba tada alhaki game da shafukan da ba nata ba