Arsenal ta je ta doke Olympiakos a Europa

Arsenal Hakkin mallakar hoto Getty Images

Alexandre Lacazette ne ya ci wa Arsenal kwallon da ta doke Olympiakos a wasan farko na zagaye na biyu a gasar Europa League na kungiyoyi 32 da suka rage.

A wasan sun kusan tashi babu ci, daga baya ne dan kwallon tawagar Faransa ya samu dama saura minti tara a tashi ya yi amfani da ita.

Haka kuma Lacazette, ya samu wata dama mai kyau tun kan hutu a wata kwallo da ya buga daga yadi na takwas.

Olympiakos ma ta samu damar cin kwallo ta hannun Youssef El-Arabi amma mai tsaron ragar Arsenal, Bernd Leno ya hana ta shiga raga.

Arsenal za ta karbi bakuncin Olympiakos a wasa na biyu a Emirates ranar Alhamis 27 ga watan Fabrairu.

Wasu sakamakon wasannin da aka yi:

  • Sporting 3 : 1 Istanbul Basaksehir F.K
  • FC Kobenhavn 1 : 1 Celtic
  • Cluj - Romania 1 : 1 Sevilla
  • Club Brugge 1 : 1Manchester United
  • Ludogorets Razgrad 0 : 2 Inter Milan
  • Eintracht Frankfurt 4 : 1 Red Bull Salzburg
  • Shakhtar Donetsk 2 : 1 SL Benfica
  • Wolverhampton Wanderers 4 : 0 Espanyol
  • Bayer 04 Leverkusen 2 : 1 FC Porto
  • Apoel Nicosia 0 : 3 FC Basel 1893
  • AZ Alkmaar 1 : 1Lask Linz
  • VfL Wolfsburg 2 : 1 Malmo FF
  • AS Roma 1 : 0 KAA Gent
  • Glasgow Rangers 3 : 2 Sporting Braga

Labarai masu alaka