An dage wasan sada zumunta don taimaka wa gajiyayyu

usain Bolt Hakkin mallakar hoto Getty Images

An dage wasan kwallon kafa na sada zumunta domin taimaka wa gajiyayyu da aka tsara ranar 6 ga watan Yuni a Old Trafford.

Mahukuntan wasan sun ce hakan ya zama wajibi don gudun yada coronavirus.

Sun kuma ce za su sanar da ranar da za a tsayar don buga wasan sada zumuntar a cikin shekarar nan.

Tsohon zakaran Olympic na duniya karo uku, Usain Bolt yana daga cikin 'yan wasan da za su taka leda a ranar.

An tara kimanin fam miliyan 38 tun lokacin da aka fara wasan safa zumunta don taimakon gajiyayyu da hadin gwiwar Unicef a 2006, kuma ana yin wasannnin ne a filin Manchester United.

Mahukuntan sun ce duk wadanda suka sayi tikitin kallon wasan da wuri, za su iya amfani da shi a duk lokacin da aka tsayar nan gaba.

Labarai masu alaka