Coronavirus: Masu daukar nauyi za su yi amfani da Nou Camp don tara kudi
Asalin hoton, Getty Images
Barcelona ta fara wasa a Nou Camp tun 1957
Barcelona za ta bai wa masu daukar nauyinta damar amfani da filin Nou Camp a karon farko don tara kudin da za a yaki cutar korona.
Ba a taba sauya sunan filin Barcelona da ake kira Nou Camp da ke birnin Catalan ba tun lokacin da aka bude a 1957.
Mai rike da kofin La Liga ta bai wa gidauniyar Barcelona damar samum wadanda za su dauki nauyin kakar 2020-21.
Kungiyar ta ce kudin da za a samu za ta yi amfani da shi ne wajen binciken maganin cutar korona.
Spaniya daya ce daga kasashe hudu da mutun sama da 20,000 cutar corona ta hallaka.
A shekarar 2010 Barcelona ta kulla yarjejeniya da gidauniyar Qatar domin daukar nauyinta, koda yake tana sa bajon tallafin Unicef a rigarta tun daga 2006.