Za a yi wasan hamayya na Everton da Liverpool a filin Goodison Park

An amince a buga wasan hamayya na Merseyside tsakanin Everton da Liverpool a Goodison Park, an kuma yadda Liverpool ta buga wasanninta a Anfield.

Za su buga karawar a gasar Premier League ranar 21 ga watan Yuni kuma karon farko da Liverpool ke fatan lashe kofin Premier na bana tun bayan shekara 30.

Liverpool za ta lashe Premier a karon farko bayan shekara 30

Adam Lallana ya saka hannu kan 'yar gajeriyar yarjejeniya a Liverpool

Liverpool tana mataki na daya a kan teburi da tazarar maki 25 tsakaninta da Manchester City wadda take biye da ita.

Wannan wasa yana daga cikin wanda ake fargabar maogoya bayansu za su taru a wajen fili don sanin yadda karawar ke gudana.

An kuma zabi filin Southampton a matsayin ko ta kwana da kungiyoyin za su fafata da zarar an samu matsala a Goodison Park.

Liverpool za ta iya lashe Premier na shekarar nan da zarar ta doke Eveton - idan kuma Arsenal ta yi nasara a kan Manchester City a Etihad ranar 17 ga watan Yuni.

Karawar ta Liverpool da Everton suna daga cikin 25 a gasar Premier da za a nuna a talabijin, kuma saura wasa 92 a karkare gasar Premier ta 2019-20.

Cikin watan Maris aka dakatar da dukkan tamaula a Ingila don gudun yada cutar korona.