Neymar ya tsawaita kwantarinsa da PSG

Asalin hoton, Getty Images
Dan wasan Brazil da ke taka leda a PSG ya sanya hannu kan sabuwar yarjejeniya da kungiyar inda ya amince ya ci gaba da taka leda har zuwa 2025, kamar yadda PSG ta sanar.
A 2017 PSG ta ɗauko Neymar daga Barcelona kan makudan kudi yuro miliyan 222.
Neymar kuma ya lashe kofuna 9 a kungiyar tare da taimakawa kulub din zuwa wasan karshe na gasar cin kofin zakarun Turai a karon farko.
"Na girma na zama mutum anan, na zama cikakken dan kwallo kuma," ya fada a shafin kungiyar ta PSG.
Neymar yana cikin shekarar karshe a kwataraginsa, bayan sanya hannu kan kwantaragin shekara biyar tun farkon zuwansa.
Tun zuwansa PSG, dan wasan mai shekara 29 ya ci kwallo 85 a wasa 112, kuma ya bayar an ci kwallo 51.
Dan wasan ya fuskanci koma baya a 2019 daga magoya bayan kungiyar wadanda suka rika yi masa ihu, lokacin da ya nuna zai koma Barcelona.
Neymar 'ya fi farin ciki' a rayuwarsa ta PSG.
Wannan labari ne na dauke da bayanai da Twitter suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta Twitter da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a Twitter
Neymar ya ce ya samu wani 'gagarumin ci gaba' a zamansa a PSG.
"Na ko yi abubuwa da dama, abubuwa da yawa sun faru da bai kamata su faru ba," in ji shi.
"Mun samu sabani a wasu lokuta, mun fuskanci wasu lokaci marasa dadi, ina farinciki kasacewa cikin tarihin Paris St-Germain.
"Ina fatan kara lashe wasu kofinan da PSG."
PSG, wadda ke kokarin daukar kofinta na hudu a jere, na fukantar tazarar maki hudu tsakaninta da lille da ke matsayi na daya.






