Za a raba jadawalin zagaye na biyu a Champions League ranar Litinin
Asalin hoton, Getty Images
Ranar Litinin za a raba jadawalin zagaye na biyu a Champions League da za a yi a hedikwatar UEFA a Nyon a Switzerland.
Abin da ya kamat ku sani kan raga jadawalin Champions League:
Kawo yanzu kungiyoyi 15 ne suka kai wasannin zagaye na biyu a Champions League da za a raba jadawalin ranar Litinin, ana jiran wadda za ta zama ta 16 tsakanin Atalanta da Villarael da aka soke wasansu suna 2-2.
Tuni UEFA ta tsara cewar duk wadanda suka ja ragamar rukuni sune za su kai ziyara a wasannin farko. Chelsea ce ke rike da kofin bara da ta lashe, bayan doke Manchester City.
Wadanda suka ja ragamar kowanne rukuni
- Ajax daga Netherlands
- Bayern Munich daga Jamus
- Juventus daga Italiya
- Liverpool daga Ingila
- Lille daga Faransa
- Manchester City daga Ingila
- Manchester United daga Ingila
- Real Madrid daga Sifaniya
Wadanda suka yi na biyu a cikin rukuni
- Atletico Madarid daga Sifaniya
- Benfica daga Portugal
- Chelsea daga Ingila
- Inter Milan daga Italiya
- Paris Saint-Germain daga Faransa
- Salzburg daga Australiya
- Sporting daga Portugal
- Sauran daya da ake jira tsakanin Atalanta da Villareal
Asalin hoton, Getty Images
Ko kungiyoyin da take kasa zasu iya haduwa a tsakaninsa a zaganen kungiyoyi 16 a Champions League kuwa?
Ba kungiyar da za ta kara da wadda suka fita daga kasa daya a zagaye na biyu a gasar, sannan wadanda suka hadu a cikin rukuni ba za su sake fafatawa ba a zagaye na biyu ba.
Ko zagaye na biyun za a yi wasannin gida da waje ne?
Za a buga wasannin zagaye na biyu gida da waje, sannan wadanda suka yi na daya a kowanne rukuni ne za su karbi bakuncin fafatawa ta biyu a gida kenan.
Asalin hoton, Reuters
Yaushe za a fara karawar zagaye na biyu a Champions League?
Za a fara wasan farko tsakanin 15/16/22/23 ga watan Fabrairu February, yayin da za a yi fafatawa ta biyu tsakanin 8/9/15/16 ga watan Maris.
Za kuma a raba jadawalin wasan daf da na kusa da na karshe da na daf da karshe ranar Juma'a 18 ga watan Maris.
Wane sauyi aka samu a Champions League?
An sauya amfana da cin kwallaye da ake cewa away goals, yanzu idan aka yi minti 180 ba ci, sai a kara lokaci idan ba wadda ta ci sai a yi bugun daga kai sai mai tsaron raga.