Google a kawanyere la Keshi ugwu n'ọnwụ

Image copyright Google Africa Twitter
Nkenke aha onyonyo Google na-echeta ụbọchị ọmụmụ Keshi

Iji cheta ọmụmụ onye nkụzi bọọlụ Najiria a ma ama bụ Stephen Keshi, Google kwanyere ya ugwu n' ụzọ pụrụ iche site na i me ka akara eji achọta ihe na igwe internet buru onyonyo nwa amadị ahụ.

Taa bụ ụbọchị ịrị abụọ na atọ ọnwa Jenuwarị bụ ụbọchị ncheta ọmụmụ Keshi onye nwụrụ n'afọ 2016 ka ọ gbara afọ irii ise na anọ.

Google Africa kwuru na igwe okwu Twita sị: "Taa, anyị na- akwanyere onye egwuregwu bọọlụ ama ama, Stephen Keshi ugwu. Egwuregwu bọọlụ bugharịrị Keshi ụwa niile dịka onye ọgba bọọlụ na onye nkụzi bọọlụ. Ọnụ ọmụmụ, nna nnukwu!"

Ihe a Google mere, mere ọtụtụ ndị Naijiria obi ụtọ, mekwa ka ha chetakwa ndu na ike keshi kpara n'ihe gbasara egwuregwu bọọlụ na Naijiria mgbe ọ dị ndụ:

Image copyright AFP/GETTY IMAGES
Nkenke aha onyonyo Keshi merịrị iko mba Afrika na 2013

Mutiu Adepoju, onye ya na Keshi kpakọrọ Naijiria bọọlụ gwara BBC na," Keshi bụ onye hụrụ ndị mmadụ n'anya. Echetara m oge m banyere National Team mgbe ahụ ọ bụ kaptin anyị ọ bụ ezi onye ndu. Keshi bụ onye ama ama. Ọ nọzịghị ndụ mana a ga-eji ihe oma ndị ọ mere mgbe ọ dị ndụ were na-echeta ya."

Keshi chịrị ndị otu egwueregwu Supa Eagles kemgbe afọ 2011 ma durukwa ha ga-asọmpi dị iche iche nke gụnyere; iko mba Afrika na 2013,iko kọntinentị dị iche iche na 2013, ma nye aka wetara Naijiria ọnọdụ na iko mba ụwa niile na 2014

Isiokwu Ndị Emetụtara