Agụụ na ahụhụ ndị gbara ọsọndụ na-gabiga na Cross River steeti

Ihe oriri ezughị oke Image copyright Getty Images
Nkenke aha onyonyo Ihe oriri ezughị oke

Ihe dịka mmadụ puku anọ si Kamerun gbata ọsọ ndu na Naijirịa enweghị ebe obibi maọbụ ịhe oriri zuru oke ha ga-eri na ebe ha nọ bụ n'obodo a na-akpọ Boki na Cross River steeti.

Ndị ọsọndụ ahụ kwuru na ndị obodo Boki na-enye ha nri mana ọnaghị ezụ ha oke, ọlụ ntaakụkọ Guardian na ekwu.

Ọnụọgụgụ agụrụ gosiri na ndị ọsọndụ nọ na steeti ahụ eruola puku iri atọ na isii.

Ndị a si na ha na-agba ọsọ mmegbụ ndị na-asụ Frenchị na-emegbu ndị na-asụ bekee na mba Kamerun.

Otu nwoke n'ime ndị a a na-akpọ Ojong Steven gwara ndị ntaakụkọ Guardian na ọ bụ onye obodo Kajivo na mpaghara ndịda ọdịda anyanwu Kamerun.

Ọ sị: "mụ na ezi na ụlọm ruru iri na otu n'ọnụ ọgụgụ gbara ọsọndụ nke a maka agha na-ada na Kamerun ugbua".

O kwuru na ndị Bashụ ebe ha nọ na-agba mbo mana ihe ndị ha na-ewete ezughi oke maka na ha bụ ndị ọsọ agha kariri ndị obodo ahụ n'ọnụọgụgụ.

Onwere ụfọdụ ndị ọsọndụ a na-arahụ na mbara n'ịhi na ha neweghị ebe obibi.

Isiokwu Ndị Emetụtara