Babangida kwụsiri ike n'ozi nke mbụ sịrị na Buhari adịghị achita

Ọgagun Ibrahim Babangida Image copyright Getty Images
Nkenke aha onyonyo IBB ejighị ahụ.

Onye bụbu onyeisi ala Naịjiria bụ Ibrahim Babangida ekwuola na ya kwụsiri ike n'okwu mbụ ya kwụrụ banyere ihe na-eme na Naịjirịa ugbua.

E nwere mgbakwojuanya ụnyaahụ ebe ozi abụọ a sị sitere n'aka Babangida nọ na-agba okirikiri ụlọọrụ ntaakụkọ dị icheiche.

Ozi nke mbụ ji aka ike na-akọwa na Naịjirịa anaghị aga iru etu o si kwesi.

Ozi nke abụọ na-akọwa n'ozi nke mbụ esighị aka Babangida.

Ka o si kwụrụ n'utụtụ taa, ndi mmadụ amaghị okwu nke ha ga-eso.

Mana, n'ime akwụkwọ ntaakụkọ Thisday, Babangida kwụrụ sị n'ozi nke mbụ bụ nke si n'ọnụ ya.

O kwuru na ọ bụ ndị ozi ya zipụrụ ozi nke abụọ ahụ.

Thisday gara n'iru kọwa na ọ bụ ọkpara Babangida akpọrọ Mohammed binyere aka n'ozi nke abụọ.

Ha kwụrụ na Mohammed mere nke a maka o na-ele anya ka ogbochie anya ọjọọ ndị kwenyere na ọchịchị onyeisiala Muhammadu Buhari nwere ike ile nna ya.

Otu onye na-ekwu okwu maka ihe na-eme na Naịjirịa ama ama bụ Nicholas Ibekwe gwara BBC Igbo na okwu a Babangida kwuru na-eegosi na ndị ekwenyeghị n'ọchichị Buhari na abawanye.

Ọ sịkwa na ka ọ bụ na onye ama ama ka onye na-ekwuchitere Babangida wepụtara ozi nke mbụ, ekwesịghị ita ya ụta.

Ngwaọrụ gị akwadoghi ọkpụkpọ mgbasa ozi
Media captionBabangida kwuru ihe ọtụtụ mmadụ na-ekwu maka Buhari

Mazi Ibekwe gwara anyị sị:"Ọ bụ eziokwu na e nwere mkpị na ozi nke mbụ, mana Babangida apụtala kwuo na ọ bụ ya nwe ozi ahụ. Kassim Afegbua na onwe ya pụtara na Channels TV n'abali ụnyaahụ wee kwuo na ọ bụ onyeisi ya nwe ozi o wepụtara."

Ọ gakwara n'iru kwuo ka e lota na Babangida bụ onye ama ama maka ikwu ọnụ abụọ, mere eji akpọ ya "Maradona" mgbe o na achị Naịjirịa. Babangida na onwe ya kpọrọ onwe ya "Evil Genius".

"E lee ozi nke abụọ a anya ọfụma, ị ga-ahụ na e denyere Babangida ọkwa dịka GCON, mana ọkwa eji mara ya bu GCFR. Ọ bụ ihe ọmụma ma ya bụrụ na IBB amaghazị ọkwa ya."

Isiokwu Ndị Emetụtara