Police Steeti ga-eme ka mmadụ ṅụọ mmirri tọgbọ ikọ

Image copyright Yemi Osibanjo/Twitter

Nkenke aha onyonyo Yemi Osibanjo kwetara na ịhapụ steeti ọbụla ka ha nwee ndị uweojii nke ha bụ ihe ga ebeleta mkpamkpa na akpa na Naịjirịa ugbu a

Osote onyeisiala bụ Yemi Osinbajo etinyela ọnụ n'okwu ndị kwetara na ọ dị mkpa ịhapụ ndị

steetị obụla ka ha nwee ndị uwe ojii nke ha.

Osiri na ọnụogụ Naịjirịa kariri ndị uweojii enwere ugbua dịka otumba uwa bụ UN sịri tuzie.

O kwuru nke a na-ọgbakọ ndị Sineti kpọro maka nchekwa obodo n'Abuja tata bụ Thursday orie.

Osote onyeisiala siri na Naịjirịa ebuka ị nọ n'Abuja na ahazi maka nchekwa obodo.

O kwukwara na polisi nke steeti na ndị nche ime obodo bụ ihe ga-eme ka udo lọghachịte n'obodo Naịjirịa.

Ọ bụ maka mkpamkpa na-akpa na Naịjirịa ugbua mere e ji kpọ ọgbakọ a.

Yemi Osinbanjo Sikwara na gọmentị kwesiri itinyekwu ego n'ego a na-amaputa maka nchekwa obodo.

Ọ dọkwara aka na nti ka "aghara ị gbakwụghe ihe gbasara okwukwe uka na nke agburu ebe mmadụ si na-okwu a na-ese".

Ọ sịkwara na Naịjirịa na ndị agbataobi ya kwesiri ị gbakọaka gbochie ndi amakaekwu ji mkpụmkpụ egbe agafe obodo ndị a.