Onye akaebe ekwuola na a kpọrọ ya n'ọrụ ọchụ Ozubulu

Ụlọụka St Philip Catholic Church Ozobulu Image copyright Reuters
Nkenke aha onyonyo Ndị ji egbe gara ụka na St Philip Catholic Church, Ozobulu gbagbu mmadụ iri na atọ biara ụka n' ọnwa Ọgọstụ afọ 2017

Chukwujekwu Eze kwuru n'ụlọikpe ukwu dị na Nnewi, Anambara Steeti na-akpọrọ ya n'ọrụ imemila otu nwoke bụ Aloysius Ikegwuonwu nke ama ama dịka, 'Bishọp' mana ya ekweghị n'ihi na ya achọghị inweta ego site n'ịkwafu ọbara.

Ndị ji egbe gbagburu mmadụ iri na atọ ndị biara ụka na, St Philip Catholic Church, Ozobulu n'ọnwa Ọgọstụ afọ 2017.

Chukwujekwu Eze kwuru sị: "O nwere otu nwanwoke aha ya bụ Okpanda onye kwara m na ha chọrọ ịga be 'Bishop' n' Ozubulu ga rụọ ọrụ.

"Ajụrụ m ya ụdị ọrọ ọ bụ, ya akwa m na Bishop ji ndị mmadụ ụgwọ na Saụt-Afrịka, na ha chọrọ ịga be ya gbagbụọ ihe niile dị ndụ.

"Ajụrụ m ya onye zigara ha, ya asị na ọ bụ Obrocho. Mgbe m kwulitere ya, Okpanda, kwuru na ọ ga enyere m aka na ọ bụrụ na m soro ga ọrụ n'ụlọ Bishọp. Akwara m ya na achọghị ịkwọ aka ọbara."

Eze gara n'ihu kwue na ọ bụ mgbe ọ gara ịza oku Okpanda kpọrọ ya n'ụlọ ya ụbọchị so ụbọchị ahụ ka ọ hụrụ Dobby (Onyemaechi Mbanefo), otu na ndị eboro ebubo na- ha kpara mkpamkpa ahụ, ha abụọ ndị gbara mbọ rịọ ya ka ọo soro ga ije ahụ mana o kweghị.

Ndị eboro ebubo na ọ bụ ha kpara nkata ghọrọ ngịga n'okwu mkpamkpa ahụ mere bụ: Onyebuchi Mbanefo, 46, Chukwudi Ugwu, 30 na Great Chinedu Akpunonu, 44.

E jidbeghị ndị ọzọ e kwuru na ha soro mee mpụ a.