Dino Melaye: Ndị uweojii akpọgala ya Lokoja

Dino na ndị uweojii Image copyright Getty Images/Dino Facebook
Nkenke aha onyonyo Ndị uweojii kwuru na ndị interpol bụ ndị na-enyocha Dino

Okwu dị na-etiti ndị ọrụ nchekwa na Sinetọ na-anọchite ndị Kogi-West bụ Dino Melaye abala abali abụọ.

Taa bụ Tuusde, Melaye bụ ọbịa ngalaba ndị uweojii pụrụ iche na-ahụ maka mgbochi iji egbe ezu nke a kpọrọ SARS n'aha ịchafụ ndị kpachiri ya.

N' abalị Monde, BBC wetara ụnụ akụkọ na ndị uwe ojii wakporo ụlọ Melaye dị na Maitama dị n'Abuja ma gbochie ya.

Onwebeghị onye ma ebe egwu a gwara ọgwa a Melaye na ndị ọrụ nchkwa na-agba ga-ebi, mana otu onye ọrụ Melaye bụ Gideon Ayodele gwara BBC na ya bụ nwa amadi kwọrọ onwe ya ga n'ogige ndị uweojii taa bụ Tuusde.

"Ndị uweojii ruru nari abụọ wakpọrọ ụlọ Dino Melaye ma e kweghị ha bata n'ihi n' onweghị akwụkwọ ikike iji nwụchie ya.

Melaye kwụpụtara nke a n'igwe okwu Twitter.

N'ụtụtụ taa, o jiri ụgbọala kwọrọ onwe ya ga na'ogige ndị uweojii iiji mata ihe ha na-ahụgharịrị ya n'ihi na onweghi ihe doro anya ha kwuru na o mere." ,

Cheta n' ụtụtụ Monde, a nwụchciri Melaye n'ọdọ ụgbọelụ dị n'Abuja oge ọ na-achọ ịga mba Moroko mana emechara hapụ ya.

Ihe onyonyo a na-egosi ebe Dino Melaye na ndị uweoji na-eme ihe

O kwuru na ndị uweojii gbochiri ụzọ niile e si abata maọbụ pụọ be ya.

O kwukwara na ndị uweojii juru na ọ gaghị eme njem ahụ mana akụkọ pụtara oge na-adịghị anya na ha ahapụla ya.

Ndị uweojii kwuru na a na-enyocha Dino maka na ndị gbapụrụ n'aka ha maka iwakpo Dino kpọrọ aha ya na ya bụ ihe mere.

Ndị uweojii atọhapụla Dino Melaye

Image copyright Charles Mgbolu

Akụkọ ndị ga-amasị gị:

Ihe ndị ọzọ n'akụkọ a