Akụkọ kachasị n'ụtụtụ a: Ma Olisa Metuh anọ ya ma ọnọghị, ikpe ya ga-aga n'ihu

Akụkọ ndị kachasị mkpa mere taa:

Akụkọ ndị dị mkpa na mgbede a:

Olisah Metuh anọ ya ma ọ nọghị ya, ikpe ya ga-aga n'ihu.

Image copyright Channelstv
Nkenke aha onyonyo Metuh na-agọ na aka ya adịghị na mpụ na aghụghọ

Nke a bụ maka na Ụlọikpe etiti n'Abuja enyela ndị EFCC ikike ịnwale ya n'azụ ya.

Metuh bụbu onye nkwuchiteọnụ ndị PDP na-aza ọnụ ya n'ebubo gururu asaa maka ego nde narị naịra anọ ọ natara ụlọọrụ onye ndụmọdụ nchekwa obodo n'oge ọchịchị Goodluck Jonathan.

Naịjirịa

Image copyright Getty Images

Onyeisi ndị na-arụrụ obodo ọrụ a na-akpọ 'Civil Service' na Bekee bụ Winifred Oyo-Ita kwuru ka e nyochagharịa ego ụgwọ ọnwa ndị ọrụ.

O kwuru na nke a ga-eme ka ndị ọrụ na-etinye uchu n'ọrụ ha.

Akụkọ mba ofesi

Image copyright AFP

Mmadụ abụọ ọzọ anwụọla maka Ebola na kongo.

Ụmụnne ndị ahụ nwụrụ gara kpọpụta ha ebe e kewapụrụ ha kpọrọ ha gaa n'ụlọụka ka e kpere ha ekpere.

Nwaanyị mere nwa ya n'ike ịlụ di agala nga

Image copyright PA

A tụrụ otu nwaanyị na mba UK nga afọ anọ n'ọma taa.

Maka na o manyere nwa ya nwaanyị n'ike lụọ nwanne ha nwoke ji ọtụtụ afọ tọpịa ya.

N'egwuregwu,

Kemgbe afọ 22, onye ọhụrụ na-akụzizi otu egwu bọọlụ Arsenal

Onye nkuzi ọhụrụ otu egwu bọọlụ Arsenal bụ Unai Omery ewerela oche ma mee ọgbakọ mbụ nke ya na ndị ntaakụkọ taa.

O kwuru na ya agaghị ekwe nkwa na ha ga-emeri mana ha ga-ejikọ aka ọnụ rụọ ọrụ.

Gere akụkọ mere na mgbede a n'otu nkeji:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe nkiri nke taa:

Ngwaọrụ gị akwadoghi ọkpụkpọ mgbasa ozi
Media caption'Enwere m nti eji ama egwu ga-aga ahia' -Honesty Music