Akụkọ kachasị n'abalị a: Ọdụm adọgbuola mmadụ abụọ

Ọdụm adọgbuola mmadụ abụọ

Ọdụm adọgbuola mmadụ abụọ na mba Saụt Afrịka n'ogige anụmanụ 'South African game reserve.

Ndị na-elekọta anụmanu kwuru na ha hụrụ ozu mmadụ abụọ ahụ bụ ndịnta na egbe ji n'ime ụlọ ọdụm.

APC Imo steeti ga-eme ntụliaka imeụlọ

Ụlọikpe ukwu nọ n'Owere, Imo steeti, akagbuola ntuliaka imeụlọ APC mere na steeti ahụ.

Ụlọikpe nyekwara APC iwu ka ọ gbaa mbọ megharịa ntuliaka ọhụrụ na steeti ahụ.

Adamu Ciroma alaa

Adamu Ciroma bụ onye bụbu mịnịsta na-ahụ maka ego nakwa onyeisi ụlọakụ etiti nke a kpọrọ CBN n'aha ịchafụ, anwụọla.

Ciroma dị afọ iri asatọ na itoolu nwuru n'Abuja taa ka ọ rịachara ọrịa ogologo oge.

Kedu mgbe mmekpa ahụ sị n'aka ndị uweojii ga-akwụsị

Ezinaụlọ Igwetu Linda bụ nwata ahụ na-efe ala Naịjirịa ndị uweojii gbagburu n'Abuja na Wenezde ekwuola na ha a chọrọ ikpe ziri ezi gbasara ya bụ okwu.

Nwanne ya bụ Amara Igwetu gwara BBC Igbo na ha anabataghị ihe ndị uweojii kwuru.

Diego Maradona arịọla arịrịọ

Onye egwuregwu bọọlụ a ma ama bụ Diego Maradona arịọla otu FIFA arịrịọ maka okwu o kwuru na a ghọgburu Ajentina n'asọmpị ha na Ingland mere n'iko mba ụwa.

Cheta na Maradona dere na Twitter na ogbu-bọọlụ n' asọmpị ahụ bụ onye mere e jiri merie Ajentina na ya bu asọmpi.

Gee akụkọ anyị n'otu nkeji

Aha nkeananụānụ,

Akụkọ ga-amasị gị ị ga-achọ ikọ taa niile

Lee ihe nkiri anyị

Aha onyonyo,

Nwafọ Igbo a ma ama n'egwu agụpụtala ihe ise ọmere nwere bụrụ ọkaibe na egwu mbem bekee