Ogbugbu mmadụ na Benue: Miyetti Allah kwesiri ịza ajụjụ - Gowon

Image copyright Getty Images
Nkenke aha onyonyo Yakubu Gowon bụbu onyeisiala Naịjirịa n'etiti afọ 1966 ruo 1975

Onyechiburu Naịjirịa dịka onyeisiala n'oge garaaga bụ Yakubu Gowon ekwuola na obi gbariri ya agbari maka ọtụtụ mmadụ nwụrụ n'aka ndị na-achị ehi buru egbe na steeti di iche iche n'afọ a.

N'ime ogbakọ Gowon na gọvanọ Benue steeti bụ Samuel Ortom mere, o kwuru na oge eruola ndị ọrụ nche dị iche iche n'ala Naịjirịa gbara onyeisi ndị otu Miyetti Allah Kautal Hore ajụjụ ọnụ ga-akọwa ihe mere udi ihea na-eme n'ala a.

Gowon kwukwara na ọbụrụ na ogbugbu a akwụsịghị, o nwere ike ịbute agha okpukpe na Naịjirịa.

N'ọnụ okwu ya: "Ọ gbagwojuru m anya na udi ihea na-eme na kwa ruo ugbua onweghị ihe gọọmentị mere juru ọnụ ịkwụsị ogbugbu a"

Gowon nyere Otom mmesi obi na ya ga-agba mgbọ na-ekpe ekpere ka udi ihea kwusi n'ala Naịjirịa.

Onye nọchịrị Ortom n'ọgbakọ a bụ Benson Abounu kele Gowon maka okwu o kwuru, na kwa rịọ na oge eruola ndị ama ama dịka ndị okwu juru n'ọnụ na Naịjirịa tinyere ọnụ n'ogbugbu na-eme ugbua na Naịjirịa.

Akụkọ ga-amasị gị

Ihe ndị ọzọ n'akụkọ a