PDP: Anyị họrọ Peter Obi maka ị kwado NotTooYoungToRun

Peter Obi Image copyright AFP

"N'ime mmadụ niile ndị a họpụtara, Peter Obi kachasị tozu ọkwa ahụ" bụ ihe ọnụ na-ekwuchitere otu PDP Diran Odeyemi gwara BBC n'ekwentị.

O kwukwara na ọ bụghị maka ebe Peter Obi si bụ mpaghara ọwụwa anyanwụ ka Atiku na ndị otu PDP ndị ọzọ jiri họpụta ya.

Ụfọdụ mmadụ na-ekwu na Atiku mere ọfụma ị họpụta Peter Obi n'ihi na ọ bụ nwoke aka ya kwụ ọtọ na-eme ihe o kwuru

Ebe a na-anụ na Peter Obi na onwe ya emepela akara Twitter nke ya taa mana amabeghị ma ọ bụ nke ezigbo ya.

Image copyright Getty Images
Nkenke aha onyonyo Atiku meriri na ntuliaka emere na mbido October

Akụkọ n'ụbọchị Fraide na Atiku Abubakar ahọpụtala onye bụbụ gọvanọ Anambra state bụ Peter Obi dịka onye ga-abụ osote ya.

Otu onye na-achọghị ka mara aha ya gwara BBC Igbo na Atiku na Peter Obi mere nzukọ ụnyaahụ.

Cheta na otebeghị aka ndị mmadụ bidoro jụwa ma Atiku a ga-ahọrọ Ngozi Okonjo-Iweala, Peter Obi, Ike Ekweremmadu na Soludo dika osote na ntụliaka 2019.

Atiku meriri dịka onye ga-azọ ọkwa onyeisiala na ntụliaka imeụlọ PDP mere na mbido October.

Kamgbe ahụ ndị mmadụ na-elo onye ga-abụ osote ya.

Lekwa ihe ndị mmadụ na-ekwu na soshal midia:

@adeyanjudedeji kwuru na nke a gosiri idi n'otu. O jikwa ohere a kele ụmụ Igbo maka atụmaatụ a.

@TWEETORACLE kwuru na ihe mere Atiku ji họrọ Peter Obi bụ makana ha abụọ ghọtara ihe gbasara idozi akụ na ụba obodo.

Akụkọ ndị ga-amasị gị:

Ngwaọrụ gị akwadoghi ọkpụkpọ mgbasa ozi
Media captionMmeri Atiku ga-achịkọta Naịjirịa-Ndị Igbo

Ihe ndị ọzọ n'akụkọ a