Utu rọba ọ na-egbochi gị inwete ụtọ ikpu?

Nwaanyị utu rọba bagoro anya Image copyright Eve Lloyd Knight
Nkenke aha onyonyo Akụrụngwa e ji enwe mmekọ na mkpuru juziri ebe nịịle. Ọ baala anyị n'ụmị?

Ọkwa dị mkpa:Nwata ekwesighi ị gụ ihe a.

Leanne* gbara afọ 21 mgbe o goro ụtụ rọba nke bekee kpọrọ "vibrator" mbụ ya.

Otele ukwu egbuola nwaanyị ọzọ

Dọkịnta Bumbum: Aka akparalanụ dibia otele ukwu

Ya na ọtụtụ ụmụnwoke e mekọọla mana onwebeghị onye mere ka ọ nyụọ.

Leanne, bụ onye matara nwoke mgbe ọgbara afọ iri na asaa, bi na Birmingham n'England.

Ka ọ gachara afọ abụọ nwoke hudere apata ya anya, o tibara ahịa sị na ya ga ahụ isi ya taa.

Ọ kwara onye ya na "tata bụ tata. A ga-egota utu rọba ahụ m rọwara nrọ ya kemgbe".

Ngwaọrụ gị akwadoghi ọkpụkpọ mgbasa ozi
Media captionLee ihe ụmụnwaanyị na-akpa n'azụ ụmụnwoke

Ihe ntumadị

Leanne kwuru na mmekọ nwoke na nwaanyị tọrọ ya ụtọ mana ụtọ nke ahụ dị iche. "ọ na-atọ m ụtọ na nwoke bịakwutere m, ma ọ bụ ya nwetere m, ka ọ bụ m nwetere ya, egwuruegwu ya na ya so na-adị m mma, mana anyụbeghị m".

"Mgbe ọbụla m na-enwe mmekọ obi na-agbajọ m, ọbụghị maka ọ bụ mụ na ya, mana maka mụ. Ọnụ ekweghị agwa onye ọbụla ihe m na-agabiga maka otu ndị enyị sị ekwụ ka ha sị anyụ mgbe ọbụla ha nwere mmekọ".

"Onwe m pụrụ m njọ".

Image copyright Getty Images
Nkenke aha onyonyo Leanne anaghị anyụ ma onwee mmeko

Leanne mechere kọọrọ enyi ya ihe ya na agabiga.

"Mgbe ahụ amaghị ka esi eji aka egbo onwe m agụ ya bụ ihe nke bekke gbọrọ "masturbation""

Enyi ya ahụ bụ odogwu n'ihe gbasara mmeko nwoke na nwaanyị. "I pụghị inyụ ma ịmụtabeghị ha esi eji aka eje ozi na ahụ gị, ka ọgwara ya".

"Ikwesiri ikuziri onwe gị ihe ndị ịchọpụtara na-adị gị mma. Nke ị chọpụtara na-adị gị mma, i jisie ya ike. Ọ bụrụ na ị maghị ihe ọ na-atọ ka ya, mara na ị gana akụ mmanụ".

Iru n'isi ụtọ ihe

Ka ọ lọtachara ụlọ ụbọchị satọde ahụ ọ zụtachara ya, ọ banyere ọrụ.

"Ọ ruchara otu awa tupu o jezuo m ahụ. Ihe ahụ na mbụ na-akụghị mgbanụ"

Image copyright Getty Images
Nkenke aha onyonyo Enyị Leanne kuziere ya ka o sị eji aka ya enwete onwe ya

Ahụ m nịịle bịara jijiwa m, meecha ahụ daa jụụ. "eziokwu, yabụ na m mechaala nyụọ. Onwe mbụrụ m suga suga."

Ọ bụghị tata ka utu rọba pụtara. Oteela ndi dọkinta bekee rụpụtara ya iji gboo mkpa anụ ahụ ụmụnwaanyị.

Ime ka oke echiche laa

Mgbe ahụ mmụta na-akụzị na nwaanyị ịnyụ na-agwọ oke echichi na ọrịa ndị ọzọ.

Leanne ga-aṅụ iyi na nke abụ eziokwu. "onwe m dịwara m mfe maka na m bidoro ịnyụ mgbe ọbụla m chọrọ," dịka Leanne siri kwuo.

Ọ bụzị mgbe emepụtara "Rabbit" na ngwụcha afọ 1980 ka utu rọba bụ "vibrators" bamiri ahịa.

Image copyright Eve Lloyd Knight
Nkenke aha onyonyo Ị kwụ na nwaanyị na-anyụ bụ arụ mgbe mbụ

Mgbe mbụ, utu rọba ga-adịnata ka ahụ mmadụ, gbaa akwara, dị njọ na-anya, dịka Stuart Nugent bụ onyeisi ndị ụlọọrụ Sweden na-arụ utu rọba sị kwuo.

Ụdị ihe a mere ka ọtụtụ mmadụ na-agbara ya ọsọ, mana Rabbit bịara dịtụ mma na anya.

Inwete onwe gị

Ụgbụa ahịa utu rọba agbawala nke bụ na a na-atụ anya na ọ ga-akarị njeri pound iri abụọ (£22 billion) na afọ 2020 nke gosiri na ụmụnwaanyị na-achọzi ya achọ.

Ndị na-arụpụta utu rọba ugbua na arụzị ya ka ọ na-egbo mkpa anụahụ dị icheiche.

Image copyright Getty Images
Nkenke aha onyonyo Mgbe gboo eji na eji utu rọba akwọ ọrịa

Stuart sị na Sona bụ utu rọba ọgbara ọhụrụ ha nwere ike ịme ka ahụ nwaanyị maa jiji ruo n'ọkpụkpụ ma na-ebe obere akwa.

Venus O Hara bụ ndị jị ilele utu rọba mere akaọrụ sị na ndị ọgbara ọhụrụ ugbua na eji ikuku akpalite nwaanyi na-emutụghị ya ahụ.

Ego ole

Utu rọba bụ ogbenye alụ. Ụfọdụ na-ada £120 (N54,000) ebe nke ukwu ya na-adarucha otu nde pounds (£1 million) ya bụ N450,000,000.

Image copyright Getty Images
Nkenke aha onyonyo Utu rọba ugba dị iche karịa ndị mbụ.

"A na m edowe utu rọba m na isiakwa m, dịka Leanne sị kwuo. Onyeere m aka nke ukwuu na mmekọ nwoke na nwaanyị."

Leanne ejirela otu n'ime utu rọba ihe karịrị afọ asaa ugboro ugboro n'izu. Ọ dịzị ka ọbụrụ na ya ejighi ya na ọ gaghị anyụ. Ọ jidegodi ndị ọzọ, ọ na ahịa ya ahụ.

Inwe mmekọ zuru oke

Ugbua Leanne enwela enyi nwoke nke ya na ya na ebi nke ọma.

Ọ ka na ejikwa utu rọba ya ọkacha iji kpalite mmụọ ya mgbe ha chọrọ ịnwe mmekọ.

Na mbụ, ọ chere na nwoke ya agaghị anabata ya. mana ọ na enyere nwoke ya aka ịme ka ahụ ya dee nke ọma tụpụ ha ebido ọrụ ma nyekwara ya aka ịnyụ mgbe ọ chọrọ.

Image copyright Eve Lloyd Knight
Nkenke aha onyonyo Ọnaghị ewute Leanne na ya bụ ihe amarala ya ahụ

N'eziokwu, ọbụghịkwa naanị Leanne ka ihe a maara ahụ.

Iri mmadụ ahụ

Agbanyeghị na a sị na utu rọba nwere ike ịba mmadụ ahụ, onweghị nchọpụta gosigoro nke a.

Udị ihe a dịkwa ebe ụfọdụ ụmụnwoke nọ bụ ndị na-eji aka ha akpalite onwe ha tupu ha anyụọ agbanyeghị na ha na nwaanyị dịnachara.

Otu ahụ ka ọ dị nwaanyị na-eji ofu utu rọba mgbe nịịle enweta onwe ya.

Akụkọ ga-amasị gị

Isiokwu Ndị Emetụtara

Ihe ndị ọzọ n'akụkọ a