Massob: Ezigbo nna na onye ndu ahapụla anyị

Joe Achuzia
Nkenke aha onyonyo Achuzia, otu na ndị ndu agha Biafra nwụrụ ka ọ gbara afọ ịiri itoolu

Otu a kpọrọ Movement For The Actualization Of The Sovereign State of Biafra bụ Massob nọ n'okpuru ọchịchị nwa amadi, Uchenna Madụ, e soro la ndị be Joe Achuzia, ndị Igbo, na ndị otu Biafra niile n'iru uju onye ndu ma dike ndị Igbo bụ Joe Achuzia, nwụrụ ụbọchị Monday gara aga.

Ha kwuru na Achuzia wepụtara onwe ya izọpụta ndị nke ya.

Na akwụkwọ mgbasa ozi nke ọnụ na-ekwuru otu ahụ bụ Edeson Samuel tinyere aka, ha gara n'ihu kọwapụta na ike agwụghị Achuzia maka ọgụ mwereonwe Ndigbo na otu Biafra niile n'aka odibo nke ndị Britain.

Massob kọwara ya dika onye ndu kachasi nụ na ndị agha Biafra.

Ike agwụghị ya ruo mgbe agha ji bie.

Akụkọ ndị ga-amasị gị:

N'ọnụ okwu ha,"Ezigbo nna,onye nkwado,na onye ndu ahapụla anyị"

Ndị Igbo nakwa ndị Biafra agaghị echefu ya maka dike ọ bụ."

Massob kwekwara nkwa na ha ga-edowe njirimara ya niile.

"Maka Joe Achuzia, anyị ga-atụkwasịkwu ọrụ na mbọ anyị na-agba iji hụ na Biafra biara na mmezu."

Image copyright AFP
Nkenke aha onyonyo Ndị otu Massob na-eru uju maka na ezigbo onye ndu ha ahapụla ha

Isiokwu Ndị Emetụtara