Ụmụnwaanyị Ozubulu emeela ngosiputa

Image copyright Reuters
Nkenke aha onyonyo Ndị mmadụ bu egbe wakporo ndị ụka St. Phillips n'afọ gara aga

Ụmụ nwaanyị Ozubulu nọ n'okpuru Ekwusigo na Anambra steeti gara n'ụlọọrụ ndị uweojii nke dị n'Amwabia ị rịọ ha mkpuchi ụnya ahụ.

Ha mere nke a maka ịkpe dị n'etiti ndị echere na ha-wakporo ụlọụka dị n'obodo ha n'ụbọchị 6 ọgọstụ afọ gara aga.

Ha sị na ndị a na-eyi ndụ ha egwu na ọ bụkwa n'ihi nke a ka ha na-achọ mkpuchi ndị ga-enye akaebe megide ndị wakporo ha n'ụlọ ikpe.

Ha bu akwụkwọ nnukwu gaa-ebe ahụ edere "anyị chọrọ ịkpe zuruoke" "anyị chọrọ mkpuchi ndị uweoji n'ụlọikpe"

Ọnụ na-ekwuchitere ndị uweoji na Anambra bụ Nkiruka Nwode gwara BBC Igbo na-ekwe ntị na ihe dị ụmụnwaanyị a mkpa bụ ka udo were ọnọdụ n'obodo ha.

Nwode sị na ụmụnwaanyị a na-eme ihe a rịọrọ ndị uweoji mkpuchi ka ha na-akwado ịga ụlọikpe maka ụchụ e gburu n'obodo ha.

Onyeisi ndị uweoji na Anambra steeti bụ Garba Baba Umaru nyere ụmụnwaanyị a nkwado, sị ha gaa n'iru.

Umaru gwara ụmụnwaanyị ahụ na "ebe ọ bụ na m nọ ebe a, ọnweghị ihe ga-eme unu, m ga-ahụ na unu nwetara ikpe zuruoke".

Ihe mere n'Ozubulu

Image copyright AFP
  • Ndị bu egbe gara n'ụlọụka St. Phillips nke ụsoro Katolik were gbagbuo ndị mmadụ ebe ha na-aka ụka
  • Mwakpo a mere chịrị ndụ mmadụ 11 n'ụtụtụ Ọgọstụ 6 afọ 2017
  • Akụkọ sị na ọ bụ esemokwu n'etiti mmadụ abụọ bi na Mba Saut Afịrịka butere ihe a.
  • Nke a mere ka ndị uweooji nke Mba Naịjirịa na Saut Afrịka bido nyocha n'ime okwu a
  • Ndị eboro ebubo na ọ bụ ha kpara nkata ghọrọ ngịga n'okwu mkpamkpa ahụ mere bụ: Onyebuchi Mbanefo, 46, Chukwudi Ugwu, 30 na Great Chinedu Akpunonu, 44
  • Okwu a ka nọ n'ụlọikpe ebe ndị akaebe jisike na-apụta kwa ụbọchị

Akụkọ ndị ga-amasị gị:

Isiokwu Ndị Emetụtara

Ihe ndị ọzọ n'akụkọ a