Ihe a na-ekwu gbasara Aisha Wakil na 'social media'
Aisha Wakil kwuru na Bokoharam ga-atọghapu nwa Dapchi akpọrọ Leah Sharibu
Ọ bụghịzị akụkọ ọhụrụ na Aisha Wakil bụ onye Igbo a na-alụ na Kanuri.
Isi sekpu ntị kita bụ na ọ gbara ndị Igbo gharị ka ya ndị Boko haram si akpakọrịta ụka.
Kamgbe ọ kọwachara BBC Igbo n'asụsụ Igbo ka ya na ndị oyiegwu a sị akpa, ọtụtụ ndị Igbo na-ekwu uche ha n'igwe okwu 'social media'.
Mkparitaụka Aisha Wakil na BBC Igbo
Ufọdụ na-akatọ mkparita ụka Aisha Wakil na Boko haram ebe ụfọdụ ka na-agbagha na ọ bụghị eziokwu na ya bụ nwaanyị suru Igbo.
Lee ụfọdụ ihe ndị Igbo na-ekwu n'igwe okwu 'Facebook'.
Ebe foto si, BBC Igbo 'facebook page'
Ọ gbagwojuru ụfọdụ anya na Aisha Wakil bụ onye Igbo
Ụfọdụ n'ime ha ekweteghị na Aisha Wakil bu onye Igbo.
Ebe foto si, BBC Igbo 'facebook page'
Ndị a ekweteghị na Aisha bụ onye Igbo
Ọtụtụ ndị ụlọọrụ mgbasa ozi dị iche iche zisara ya bụ mkparịtaụka Aisha Wakil na BBC igbo nwere n'igwe okwu 'Social media'
Ebe foto si, @blingxblog
Ndị agha Naijiria sị na ha enweghi okwu ha ga-asa Aisha Wakil
Ebe foto si, @Emzzydnty
O bụghị taa ka Aisha Wakil bidoro kwuwe na ya na Bokoharam na-akparita ụka