Ọkụ latrik, mmanụ agbịdị na ihe ndị ọzọ tinyere ego kemgbe Buhari batara ọchịchị

Nwanyị na-azụrụ osikapa n'ahịa
Nkọwa foto,

Nwanyị na-azụrụ osikapa n'ahịa

Mgbe onyeisiala Muhammadu Buhari ka na-azọ ọkwa onyeisiala n'afọ 2015, o nwere ọtụtụ nkwa o kwere n'achụmnta vootu ya.

Ọ kachasị ọtụtụ ihe o kwuru na ọ ga-ebelata ego dị na ya dịka o kwere nkwa ịweta "mgbanwe".

Mana ugbua, ọ bụghị etu akụ ilu si ada n'ụda ka o si atọ ụtọ, lee ihe ndị tinyesịrị ego kemgbe Buhari batara ọchịchị.

Ọkụ Latrik

Mgbe onyeisiala Buhari na-achụ nta vootu, o kwere nkwa ọkụ latrik ebighebi mana o nweghị ihe o kwuru maka itinye ego.

Ugbua, ngalaba na-elebanye anya n'ọnụ ọkụ latrik bụ NERC etinyela ego n'elu ụgwọ ọkụ latrik bido n'ụbọchị mbụ nke ọnwa Sepụtemba afọ 2020.

E si na Naira 30.23 maka otu kilowatị maka otu awa were pasent otu narị bulie ya rue naira 62.33 maka otu kilowatị.

Nke a na-abịa n'agbanyeghị na ha kwere nkwa na ha agaghị eweli ọnụ ya bụ ọkụ n'ezinaụlọ ndị dara ogbenye.

Ọnụ mmanụ ụgbọala

N'ọnwa Febụwarị afọ 2015 mgbe emere ntuliaka ọkwa onyeisiala Naịjirịa, ọnụ mmanụ agbịdị bụ N97 nke emechara butuo rue N87 n'afọ ahụ kwa.

Mana ọ gbanweela ụgboro ise kemgbe ahụ, otu mgbe n'afọ 2016, nakwa ugboro atọ n'afọ 2020.

O si 87 rue 145 si ya rue 125 si ya rịkwa 143 ma sizie ebe ahụ rue 151 ebe ọ kwụ taa.

Nke a na-eme n'ihi ihe Bekee kpọrọ 'Deregulation' emere na mmanụ agbịdị eji arụpụta mmanụ ụgbọala.

Ọnụ nri

Ọ bụghị ihe ọhụrụ na ọnụ ego nri na-arị elu kemgbe Buhari banyere ọchịchị.

O bu ụzọ rịa elu n'afọ 2016 mgbe akụnaụba Naịjirịa banyere ọtanisi.

Mgbe ọzọ nke a mere bụ n'afọ 2019 mgbe onyeisiala Muhammadu Buhari nyere iwu ka a gbachie oke ala Naịjirịa na Benin Repọblik.

O kwuru na nke a bụ iji belata nzubata osikapa mana o mere ka nri ndị ọzọ a na-esi mba Afrịka ndị ọzọ ebubata rịa elu.

Nkwa asaa Buhari kwere n'afọ 2015 na ihe o mere

Ebe foto si, Getty Images

Dịka onyeisiala Naijiria bụ Muhammadu Buhari zọtara ọkwa ọchịchị na ntụlịka afọ 2019, ajụjụ ọtụtụ dị ndị mmadụ n'ọnụ.

Otu n'ime ha bụ o mezuru nkwa ya na otu pati ya bụ APC kwere ndị Naijiria nke ha gbadọrọ ukwu were tunyere ya votu n'afọ 2015?

Kedụ ihe o merela ha, iji nata ha nkwado ọzọ na agba nke abụọ?

BBC Igbo lenyere anya n'asaa n'ime nkwa o kwere iji tulee ndị o mere na ndị o meghị:

I. Ibuso mmerụaka agha

Ihe o mere: EFCC napụtara ọtụtụ mmadụ e boro ebubo mmerụaka nnukwu ego na ụlọ mana o nwebeghị onye ụlọikpe mara ikpe maka mmerụka.

Ebe foto si, @bashirahmad

Nkọwa foto,

Onyeisiala na nzukọ ndị isi otu APC mere ụbọchị Monde ebe ọ nọ kwupụta na ọ ga-azọ ọchịchị ọzọ n'afọ 2019

N'aka nke ọzọ, ndị pati ndị ọzọ na-ebo Buhari ebubo na ọ bụ sọsọ ndị esonyeghị na pati ya ka a na-anwụchi maka mmerụaka.

2. Ibuso Boko Haram agha iji nwe ezi nchekwa

Ebe foto si, Reuters

Nkọwa foto,

Ana chosi Shekau ike na Naịjirịa ugbua.

O belatara mkpamkpa Boko Haram ma nata ha obodo ndị ha kpaara dịka nke ha.

N'aka nke ọzọ, nchekwa obodo ka na akpụ afọ n'ala n'ihi na ndị Fulani na-achị ehi egbuola ọtụtụ mmadụ n'ọgbaghara dị na-etiti ha na ndị ọrụugbo.

3. Inye ọrụ dị 720,000 kwa afọ

Ihe o mere: Kama inye ọrụ dịka Buhari siri kwe na nkwa ma rotekwara ndị mmadụ oge ọ biara na Legos nsonso, a chụrụ mmadụ ruru nde anọ n'ọrụ.

4. Imachi ndị ọrụ gọọmenti ịga mba ofesi maka ọgwụgwọ ọrịa

Ebe foto si, Getty Images

Nkọwa foto,

Buhari na Trump kpara maka ibuso ndị oyi egwu agha

Ihe o mere: Buhari amachighị ya dịka osi kwe na-nkwa, kama, ya onwe, na nwa ya nwoke bụ Yusuf gara mba ofesi maka ịnata ọgwụgwọ.

5. Otu nri n'ụbọchị maka ụmụaka Prịmarị nke gọọmentị

Ebe foto si, AFP

Nkọwa foto,

Ndị ugwụ Awụsa kachasị nwe ụmụaka anaghị aga akwụkwọ na Naịjirịa

Ihe o mere: E bidola atụmatụ a na nanị steeti iri na anọ: Anambara, Enugwu, Oyo, Osun, Ogun, Ebonyi, Zamfara, Delta, Abia, Benue, Plateau, Bauchi, Kadụna na Taraba.

Mana ụfọdụ ndị ọrụ obodo kwụụru onwe ha sị na N70.00 maka otu nri anaghị enye nri nwere isi.

6. Ịrụ mahadum nka na ụzụ isii

Ebe foto si, Getty Images

Ihe o mere: A rụbeghị ọbụladi otu.

7. Ime ọkụ latrik ka ọ gbalite rue 20,000 megawat n'afọ anọ

Nke a bụ maka iji mee ka ọkụ na-adị mgbe niile.

Ihe o mere: Dịka Mịnịsta na-ahụ maka ọkụ bụ Babatiunde Fashola siri kwuo, Naijiria enwetarula 7000 megawat.

Imo akwodoola maka nyefe ọchịchị

Ebe foto si, Ebere Nzewuji

Gọọmenti Imo steeti, ekwuola na ha ewepụtala ego a ga-eji mee meme ịnyefe ọchịchị n'aka Ihedioha.

Onye enyemaka Gọvanọ Okorocha, Ebere Nzewuji kwuru nke a mgbe ya na BBC nwere mkparịta ụka taa.

Ebe foto si, FEC_Twitter

Anyị abata n'Abuja ebe Onyeisiala Muhammadu Buhari gbatikwuru ụbọchị ọrụ ndị Minista ya ruo ụbọchị iri abụọ na asatọọ nke ọnwa Mee a.

Ọ gwara ndị Minista ahụ ha were akwụkwọ nyefe ọchịchị ha bịawa ọgbakọ ikpeazụ nke ha ga-eme n'ime ọnwa bụ ebe ha ga-anọ chisa ọwara.

Ụlọikpe na London amaala ụmụnwanne atọ ikpe

Ebe foto si, Getty Images

N'ofesi, ụlọikpe na mba UK amaala ụmụnwanne atọ ndị Naịjrịa ikpe maka ịnye aka bufeere ndị otu nzuzo akporo Black Axe ego ruru otu nde pound mba ofesi.

Otu n'ime ndị a amara ikpe na-agọ na ọnweghị ihe gbarasa ya na ndị otu nzuzo a, agbanyeghị na nwanne ya nwaanyị na-anụ onyeisi ndị otu a ebe ha bị na London.

Onye ntuziaka Chelsea bụ Maurizio Sarri ga-ama ọdịnihu ya nsonso

Ebe foto si, AFP

Nkọwa foto,

Onye ntuziaka Chelsea bụ Maurizio Sarri

N'egwuruegwu, onye ntuziaka Chelsea bụ Maurzio Sarri ga-amata ọdịnịhu ya mgbe otu egwu bọlụ ahụ mgbe ya na ndị isi kpachara ụbụbọ.

Maurizio sị na ọ bụ mgbe ha na Arsenal gbachara asọmpị nke ikpeazụ ka ya ga-amata ma ya a ka ga-anọ ka ọ bụ ya uje.

Gee Nkeji

Aha nkeananụānụ,

Akụkọ ga-amasị gị ị ga-achọ ikọ taa niile

Akụkọ ndị ga-amasị gị: