Akụkọ kachasị n'abalị: Onye turu ogbunigwe be Nnia Nwodo?

Akụkọ ndị kachasị mkpa mere taa n'ichafu:

Onye turu ogbunigwe be Nwodo?

Ka anyị bido n'Enugwu ebe e kwuru na a turu ogbunigwe na be onyeisi ndị ohanaze Ndigbo bụ Nnia Nwodo dị n'Ukehe taa.

Ndị uweojii kwuru na ọdachi a mere n'ezie, ma mebie obere ihe mana amatabeghi ndị mere ya bụ ihe.

Otu ndị ụka niile bụ CAN ebidola ngagharị iwe

Otu jikoro ndị na-ekpe ụka Kraịst na Naịjirịa a kpọrọ Christian Association of Nigeria (CAN) na bekee na-eme ngagharị iwe taa maka mkpamkpa ndị ọchịehi na-akpa na ọtụtụ ndị mmadụ e gburu na Benue steeti na steeti ndị ọzọ na mpaghara ugwu Awụsa.

Cheta na CAN kwuru n'ụbọchị Fraide garaaga na ha ga-eme ngagharị iwe ahụ taa bụ ubọchị uka n'ụlọụka niile n'ala Naịjirịa.

Ngagharị iwe a bu maka ndị ụkọchukwu abụọ na mmadụ iri na isi ndị ọzọ ndị ọchịehi jiri egbe gbuo na Benue steeti ụbọchị 25 ọnwa Epureel.

Dino Melaye bụ a kwaa akwụrụ

Nke a bụ maka na nkata ịkpọghachi ya site n'ụlọomeiwu sineti akpụọla afọ n'ala dịka e nwetaghị mmadụ ole iwu ntuliaka kwuru tinyere aka n'akwụkwọ ahụ.

Melaye si n'akwa ya n'ụlọọgwụ kele ndị mpaghara Kogi-West ọ na-anọchite maka nke a.

Onyeisiala Muhammadu Buhari awuchiela Washington DC

Onyeisiala Muhammadu Buhari eruola Washiton dị n'Amerịka taa maka ọgbakọ ya na Donald Trump nwere echi.

N'egwuregwu

Man City gbara ndị West Ham ọkpụ anọ a satara otu n'asọmpi Premia Lig taa.

Machester United gbakwara ndị Arsenal ọkpụ goolu abụọ a satara otu.

Nkeji nke ụtụtụ a

Gere akụkọ ndị a n'otu nkeji.

Ihe onyonyo taa

Nwaanyị meriri ọrịa kansa, lee etu o si mee ya.

Akụkọ ndị ga-amasị gị