Akụkọ kachasị n'abalị: Chukwu ga-ekpe ndị chịrị Naịjirịa ikpe

Akụkọ ndị kachasị mkpa mere taa n'ichafu:

Ka Chukwu kpee ndị chịburu na-achịaghị nke ọma ikpe - Buhari

Onyeisiala Muhammadu Buhari ekwuola na Chukwu ga-ekpe ndị niile chịburu Naịjirịa na-achịtaghị nke ọma ikpe.

O kwukwara na ndị ntorobịa na mpaghara ugwu Awụsa agaghị akwụkwọ maọbụ hapụrụ ụlọakwụkwọ

Buhari siịna ya etinyela aka n'akwụkwọ maka iwe ndị uweojii puku isii n'ọrụ iji tinye uchu n'okwu nchekwa Naijiria.

Rochas si ka ewelie ndị ọrụ

Aka na-achị Imo steeti bụ Rochas Okorocha enyela iwu ka e bugoo ndịọrụ steeti ahụ n'ogogo ọhụrụ.

Okorocha kwuru nke a na mmemme ncheta ndị ọrụ e mere ụnyaahụ.

Na mba ofesi

Dibịa onyeisiala mba Amerịka ekwuola na ya edeghiri Donald Trump akwụkwọ ahụike o jiri zọọ ọchịchị n'afọ 2016.

Dibia ahụ aha ya bụ Harold Bornstein kwuru na Trump jiri aka ya dere onwe ya akwụkwọ ahụike ahụ.

Kanye West nọ n'akụkọ kwa mgbe ugbua

Onye egwu mba Amerịka bụ Kanye West na-abatazi n'akụkọ nnukwu.

O kwuru na ohu ndị ọcha jiri ndị isi ojii mere n'oge gara aga nwereike ịbụ ihe ndị isi ojii ahụ chọrọ.

Nke a bụ otu nime ihe ọ na-ekwugasị ọhụrụ a.

N'egwuregwu

Ndị na-achị n'asọmpi Champions League bụ otu Real madrid agbapụla Bayern Munich iji wụba n'ọkara ikpeazụ nke asọmpi ahụ.

Ha gbara onwe ha ọkpụ abụọ asaghachiri abụọ mana ndn̄ị Bayern kwesiri imeri ha iji nweta akara ịgbago agba ọkara ikpeazụ ahụ

Nkeji nke ụtụtụ a

Gere akụkọ ndị a n'otu nkeji.

Ihe onyonyo taa

Nwaanyị meriri ọrịa kansa, lee etu o si mee ya.

Akụkọ ndị ga-amasị gị