Akụkọ ndị dị mkpa na mgbede a: ọgbaaghara dị na Delta steeti ugbua

Akụkọ ndị dị mkpa n'abali a:

Image copyright @officialAPCNG

Otu nwoke anwụọla na Delta steeti ebe a na-eme nzụkọ otu ndọrọndọrọ APC.

Akụkọ na-eru anyị ntị bụ na a sụ gburu Jeremiah Ojeveta so na ndị na-azọ ọkwa chairman n'agba Ughelli ka nzụkọ ahụ na-aga niru.

Na APC ọzọ

Ntuliaka jisiike na-aga n'ọgbakọ APC nke Ekiti maka ị ma onye ga-anọchi anya ha ntuliaka nke ọkwa Gọvanọ n'abịa n'ọnwa Julai.

Oke mmiri ozuzo meburu ka ọ ga-akwasa ntuliaka a.

Na mba Ofesi

Image copyright Reuters

Agbaala otu nwata nwaanyị dị afọ iri n'isii ọkụ ebe awakpochara ya na India.

Ụmụ nwoke abụọ a tụrụ aka na ha wakporo ya mere nke a maka iwe ihe nne na nna nwata nwaanyị ahụ jiri gwa ndị isi na ọ bụ ha wakporo nwa ha.

Egwuregwu

Image copyright Getty Images

Otu bọọlụ Stoke city apụọla na asọmpị Premier League.

Nke a mere ebe otu Crystal Palace meriri ha n'asọmpị ha gbara taa. Cheta na Stoke City nọrọ na Premier League ihe ruru afọ iri kemgbe 2008.

Gee akụkọ kachasị mkpa na mgbede a:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe ndị ọzọ n'akụkọ a