Akụkọ kachasị mkpa: 'Anyị ga efe ọkọlọtọ Biafra' - BIM

Akụkọ ndị dị mkpa n'ụtụtụ a:

Ncheta ụbọchị Biafra,

Ebe foto si, AFP

Otu na-azọ nwereonwe Biafra bụ BIM ekwuola na ndị agha Naịjiria agaghị egbochi ha ị bunyi ma fee kwa okoloto Biafra maka ncheta ụbọchị ya n'onwa mee.

Otu ahụ na-akwado kwa ị fee okoloto a n'obodo dị icheiche n'ala Igbo.

Ebe ọzọ na Naịjirịa,

Ebe foto si, AFP

Nkọwa foto,

Osote onyeisiala Yemi Osibanjo,onye ụkọchụkwụ ụka 'Redeem' bụ Ọkammụta iwu

Gọọmentị etiti enyela iwu ka ngalaba na-ahụ maka ihe gbasara nrị na ọgwụ bụ NAFDAC laghachị n'ọdọ ụgbọmmiri dị icheiche.

Nke a bụ ka ha nweike mee ngwa ahịa na-abata nyocha zuruoke maka ndị na-esi ụzọ azụ ebubata ọgwụ Codeine.

N'akụkọ ofesi,

Ebe foto si, Getty Images

Orue la na nchịkọta nkwado niile gbasara alụm di na nwunye n'etiti Meghan Markle na Okparaeze Harry ga-eme n'ụlọụka St George's dị n'ime obieze Windsor ụtụtụ echi.

Ezenwaanyị Elizabeth bụ onye nyere ha ikike ị gba akwụkwọ n'ụlọụka ahụ. Ọ bụ kwa ezinaụlọ Harry ga-akwụ ụgwọ agbamakwụkwọ ahụ.

N'Egwuregwu,

Akpọpụtala aha onye ọgbaa bọọlụ ama ama bụ Cristiano Ronaldo dịka onye ga-eso otu bọọlụ mba Portugal aga asọmpị iko mba ụwa.

N'otu aka ahụ otu egwuregwu bọọlụ naịjiriịa nke nta bụ Flying eagles ga-ezute ibe ha nke maba Guniea Bissau echị maka ị tozu asọmpị iko mba Afirịka.

Gee nkeji ụtụtụ a:

Aha nkeananụānụ,

Akụkọ ga-amasị gị ị ga-achọ ikọ taa niile

Akụkọ ndị ga-amasi gị: