Ndị IPOB bu ọgbaghara bata n'ọgbakọ Ohaneze Ndịgbo n'Awka

  • 21 Mee 2018
Ngwaọrụ gị akwadoghi ọkpụkpọ mgbasa ozi
Media captionOgbaghara ndị IPOB

Mmemme ahụ Ọhaneze ndị Igbo hiwere n'Awka bụ nke emere taa n'ọnọdụ ịchị obi n'aka n'ihi ngagharị iwe nke ndị Ipob mere n'ebe ahụ.

Ngwa ngwa ọgbakọ ahụ malitere, ọtụtụ ụmụnwọke na ụmụnwaanyị karịrị nari abụọ wakporo Ekwueme Square ma gụrụ egwu na-agagharị n'ezi ogige ahụ.
Nkenke aha onyonyo Ndị Eze Igbo

Ha na-ekwu na ha achọghị nkata ahụ a chọrọ ịkpa, kwuo kwa na ha achọghị ya bụ nghazigharị obodo bụ restructuring na Bekee.
Nkenke aha onyonyo Ufọdụ ndị ọnụ na-eru n'okwu n'ala Igbo

Ndị uweojii karịrị narị abụọ na echekwa ọnụ ụzọ ogige ahụ nche, jiri egbe nakwa anwụrụ anya mmiri nke ana akpọ 'teargas' wee chụsasịa ndị ahụ kpọrọ onwe ha Ipob.
Nkenke aha onyonyo Ndị odozi akụ n'ala Igbo

Ndị ụkọ chukwu sị n'ụlọụka dị iche iche ji ekpere wee bido ọgbakọ ahụ.

Onye bubụ gọvanọ ụlọ ọbaego ala Naịjirịa bụ Charles Soludo gụpụtara akụkwọ gosiri ọnọdụ ndị Igbo bụ nke otu dị iche iche jikọrọ ọnụ ma wepụta.

Nkenke aha onyonyo Ndị ọbịa si mpaghara ala Igbo dị icheiche

Onyeisi Ohanaeze Ndigbo bụ Nnia Nwodo kelere mmadụ niile bịara ọgbakọ a ma kwuo na ihe niile soludo kwuputara bụ ihe ha jịkọrọ aka ọnụ depụta.
Nkenke aha onyonyo Ndị ụkọchukwu bịara ọgbakọ a

Dịka Nwodo ka kpụ okwu n'ọnụ mgbe ụmụnwaanyị bidoro ngagharị iwe n'ime ogige.

N'atufughi oge ndị ruru mmadụ narị abụọ n'ọnụ ọgụgụ jịrị egwu, esemokwu na ọgụ site n'ọgbọ Ekwueme square pụọ ebe ọgbakọ ahụ gawara n'ihu.

Akụkọ ga-amasị gị:

Isiokwu Ndị Emetụtara

Ihe ndị ọzọ n'akụkọ a