Ipob emezuola ebunobi ikposaa ọgbakọ Ohaneze-Emma Powerful

Biafra na Naịjirịa Image copyright Getty Images
Nkenke aha onyonyo Ode akwụkwụ mgbasa ọzị Ipob, Peace Chukwudi sịrị na Biafra ga abịa ọsịsọ ma Buhari bata ọzọ

Otu na-agba mbọ maka nnwereonwe Biafra bụ Ipob ekwuola na ha mezuru ebunobi ha ikposa ọgbakọ Ohaneze mere n'Awka ụnyaahụ.

BBC gbara onye mgbasaozi Ipob bụ Emma Powerful ajụjụ, o kwuru na ihe gaziri ka ha si chọọ.

Powerful kwuru na otu n'ihe gozsiri na ọgbakọ ahụ kpụrụ afọn'ala kwuru na ọtụtụ ndị gọvanọ na sinetọ sị mpaghara ọwuwa-anyanwu abịaghị ya.

N'okwu ya, "Nnia Nwodo ekwughị okwu, ndị gọvanọ ọwụwa anyanwụ niile abiaghị ya ma ewepụ naanị Govanọ Obiano nke Anambra steeti bụ onye a bịara na nke ya."

Ngwaọrụ gị akwadoghi ọkpụkpọ mgbasa ozi
Media captionOkwu Emma Powerful

Ma na agbanyeghị ngagharịiwe ndị Ipob mere ebe ahụ, Ohaneze Ndigbo gara n'ihu mee ọgbakọ ha hiwere ịkpa maka nhazigharị Naịjirịa .

Ihe ha kpebiri n'ọgbakọ ahụ gunyere; Ka e kepụtakwuo otu steeti na mpaghara ọwụwa anyanwụ Naịjirịa nakwa ikpochapụ atụmatụ okpuru ọchịchị.

Akụkọ ga-amasị gị: