Akụkọ kachasị n'ụtụtụ a: Wepụta akwụkwọ ntụliaka 1993 - Sinetị

Akụkọ kachasị mere taa;

Sịnetị agwala INEC ka ha wepụta akwụkwọ ntuliaka 1993

Image copyright @Senatepresident

Ndị ụlọomeiwu Sịneti agwala INEC ka ha wepụta akwụkwọ ntụlịaka nke juun afọ 1993 bụ nke na-egosi na MKO Abiola meriri ntụlịaka onyeisiala n'afọ ahụ.

N'aka nke ọzọ, Ohaneze ndigbo na ndị ọnụ na-eru n'okwu agwala gọọmenti etiti ka ha kwanyere Humphrey Nwosu bụ onye haziri ntuliaka ahụ ugwu dịka e si me Abiola.

Osote Onyeisiala bụ Osinbajo agbanarịla ihe mberede

Image copyright Yemi Osibanjo/Twitter

Osote onyeisiala bụ Yemi Osinbajo gbanarịrị oke nsogbu dịka ụgbọelu Helilọpta bu ya ga n'ụlọọrụ na-ahụ maka ibubata ngwaahịa dị n'Abuja gbaturu n'ike mgbe ọ na-achọ ifepu

Osinbajo gara emume mpụta n'agụmaakwụkwọ ụfọdụ ndị isi ụlọọrụ ahụ mgbe ihe a mere.

Mba Ofesi;

Kim Jong-Un nwereike iga mba Amerịka

Image copyright AFP

Onyeisiala mba Amerịka bụ Donald Trump ekwuola na onwereike ịkpọ ogbo ya nke Nọt Korịa bụ Kim Jong-un oku ka ọ bịa mba Amerịka ma ọ bụrụ mkparịta ụka na Singapore gaa nkeọma.

Trump kwuru nke na nzuko ya na Praịm Mịnịsta Japan bụ Shinzo Abe.

N'egwuruegwu,

Image copyright Getty Images

Onye na-agbara Naịjirịa bọọlụ n'ebe etiti bụ Ogenyi Onazi akatọọla akụkọ na-ekwu na ya onye ndụ ya bụ Mikel Obi nwere esemokwu.

Onazi kwuru na ọ bụ eziokwu na ọ naghị eme nkeọma n'asọmpi ugbu a, mana o metutaghị mmekọrịta ya na Mikel.

Gere akụkọ mere na mgbede a n'otu nkeji:Ihe nkiri nke taa:

Ngwaọrụ gị akwadoghi ọkpụkpọ mgbasa ozi
Media captionBBC Nkeji

Lee ihe nkiri taa

Ngwaọrụ gị akwadoghi ọkpụkpọ mgbasa ozi
Media captionDi na nwunye mụrụ ejima atọ