Ọchụehi Abia: Anyị agaghị ewepụ iwu nchịgharị ehi - ndị omeiwu

Ndị ọchị ehi

Ebe foto si, Getty Images

Nkọwa foto,

Nsogbu dị n'etiti ndị ọchị ehi na ndị ọrụ ugbo atala isi ọtụtụ ndị mmadụ.

Onyeisiụlọ omeiwu nke Abia Steeti bụ Chikwendu Kanu akatọọla ndị na-akpọ oku ka-ewepụ iwe machiri ịchagharị ehi na Steeti ahụ.

O kwuru na ndị na-akpọ oku a amaghị ihe nakwa ikikere ndị ụlọ omeiwu steeti nwere ime mkpebi ha.

Cheta na Mịnịsta na-ahụ maka nchekwa na Naịjirịa bụ Mansu Dan-Ali gwara onyeisiala Buhari ka okpochapụ iwu megidere ịchagharị ehi n'ụfọdụ steeti.

Ma kwuo na ọ bụ naanị ụzọ a ga-eji weta udo n'etiti ndị na-achị ehi na ndị ọrụ ugbo.

Mana ụlọ omeiwu nke Abịa Steeti mere iwu ga-akwụsị ịchagharị ihe na Steeti ahụ ma kwuo na onye e jidere ga-akwụ puku narị naịra abụọ ma ọ bụ gaa mkpọrọ afọ isii.

N'okwu ya Kanu katọrọ ndị na-akpọ oku ahụ, kwuo na ụlọ omeiwu ọbụla na-eme iwu ga-echekwa ndị ọ na-achị.

Mgbe ọ na-agwa ndị ntaakụkọ okwu, Chikwendu kwuru na iwu a dị n'ike ndị ụlọ omeiwu ime nke mere ha jiri hiwe ya.

Akụkọ ndị ga-amasị gị: