Akụkọ kachasị n'abalị a: Foto Wizkid a na-ere ka akara dị ọkụ

Foto Wizkid na-aga ahịa

Ha na-eji otu puku narị naira iri asaa na itoolu na-ere foto oti egwu Wizkid

Foto a na-egosi Wizkid mgbe yiri uwe Dolce na Gabbana na mme mme ejiji na mba Italy nke akpọrọ Men's Fashion Week na Bekee.

Ndị agha Naịjirịa agọọla na ndị ohi mmiri gburu ha

Ndị agha Naịjirịa kwuru na akụkọ na-ekwu na ndị na-ezu ohi n'okporo mmiri gburu ndị agha atọ n'ọdọ mmanụ n'ime Bayelsa abụghị ezi okwu.

Abdullahi Ibrahim bụ onye na-ekwuchere ndị agha Naịjirịa kwuru na ya kpọrọ ndị ahụ n'elu ekwentị mana ha kwuru na onweghị onye wakporo ha

Ndị uweojii Anambra a nwuchiela ndị ohi akpa

Ndị uweojii na Anambra steeti ekwuola na ha nwụchiela ndị ohi akpa ruru iri n'Anambra.

Ha kwuru na ndị a ji ọgba tum tum na egbe na-ezu ohi na Ogidi, Nnewi, Onitsha na Ihiala

Ide mmiri eriela ụlọ na ụgbọala na Ghana

Na mba Afrika, mmiri ozizo ebuteela nnukwu ide mmiri na Accra n'ime Ghana na kwa mee ka ndị mmadụ tọọ n'ime ụlọ ha.

Akụkọ kwuru na ọtụtụ ụlọ lara n'iyi na mmiri nke a na kwa ọtụtụ ụgbọala mebiri.

Gọọmentị ka na-adọ aka na ntị na mmiri ya ka ga-ezo.

N'asọmpị Iko mba ụwa na-eme ugbua

Japan ji ọkpụ abụọ merie Columbia na asata ha ihe.

Senegal ọkpụ abụọ asata otu meri Poland

Russia na Ijipt ga-asọ mpi nke ha na-elekere asaa nke abalị a

Gee akụkọ anyị

Ihe ndị ọzọ ị kwesiri ị ma taa

Ihe iri agboghọ ugbua chọrọ na nwoke ga-alụ ha