Mara ihe na-eme n'ikpe Shell na Eni bidoro ọzọ taa

Eni na Shell Image copyright AFP
Nkenke aha onyonyo Akụkọ na-akọwa na nke a nwere ike ịbụ ikpe mpụ na nrụrụaka dị n'etiti ndị mmanụ agbịdị a ga-akacha ekwu maka ya

Ikpe dị n'etiti ụlọọrụ abụọ na-arụpụta mmanụ agbịdị bụ SHELL na ENI na gọọmentị Naịjirịa ebidola ọzọ n'obodo Milan nke mba Itali

Tupu o bido taa, e bugharịrị ụbọchị mbido okwu ugboro abụọ; Maachị na Mee.

E boro ndịọrụ ruru itoolu ndị SHELL na ENI ebubo na ha nyere aka azụ n'ọzụzụ onunu mmanụ agbịdị ha zụrụ n'afọ 2011.

Ma n'ebo ahụ kwa onye bụbu Mịnịsta na-ahụ maka mmanụ agbịdị bụ Dan Etete na-aza ebubo na o ji aghụghọ mefuo ego kwesiri iru Naịjirịa aka.

Mmadụ niile a kpọrọ aha n'okwu a na-agọ na ha emeghị ihe ọjọọ ọbụla.

Lee ihe ndị dị mkpa ị kwesiri ịma maka okwu a:

Mgbe o bidoro

Image copyright AFP
Nkenke aha onyonyo Onunu mmanụ dị n'elu mmiri na Pọtakọt

Na afọ 2011, Shell na Eni kwuru ihe ruru otu ijeri dọla na ụma iji zụrụ onunu mmanụ agbịdị kachasị nnukwu na ọdịda anyanwụ Afrịka.

Ha kwụnyere ego a n'akara ụlọakụ Naịjirịa n'obodo London mana o ruteghị Naịjirịa aka.

Nyocha e mere chọpụtara na Mịnịsta na-ahụ maka mmanụ agbịdị bụ Dan Etete jịrị aghụghọ mefuo ego ahụ n'iji ụlọọrụ o nwere na nzuzo bu 'Malabu Oil & Gas' were ya bụ ego.

Ndị a kpọrọ aha na ihe eboro ha

Image copyright AFP
Nkenke aha onyonyo Claudio Descalzi na ndị ọzọ gọrọ ebubo eboro ha.

Onyeisia Eni bụ Claudio Descalzi, onye bụbu onyeisi Shell Marcus Brinded na mmadụ iri n'otu na ụlọọrụ abụọ bụ ndị a kpụpụrụ ụlọịkpe.

Gọọmentị ala Naịjirịa na-ekpe ndị ọrụ Shell na Eni ruru itoolu na Etete bụbu Minista na-ahụ maka mmanụ agbịdị maka nrụrụaka, ịna aka azụ na igwu gọọmentị Naịjirịa chandum.

Ndị a niile ekwuola na ha emeghị ihe ọjọọ ebe Shell na Eni kwuru na ha amaghị na ego ha kwuru agaghị erute gọọmentị Naịjirịa aka.

Etu ihe si kwụrụ ugbua

Image copyright AFP
Nkenke aha onyonyo Obodo Milan dị na mba Italy bụ ebe ụlọịkpe na-enyocha akụkọ a dị

Dịka e bugharịrị okwu a ugboro abụọ, taa bụ Juun 20 bụ mgbe ikpe bidoro n'ezie.

Ụlọịkpe ahụ ga-enye kwa ndị ọzọ chọrọ isonye n'ikpe ohere ịbịa kwuo ihe a ga-eji nabata ha n'ime ikpe a.

Isiokwu Ndị Emetụtara