Etu Gwomgworo si dagbuo ihe karịrị mmadụ atọ n' Ojuelegba

Ngwaọrụ gị akwadoghi ọkpụkpọ mgbasa ozi
Media captionIhe mere eji kpụrụ Ojuelegba n'ọnụ.

Ebe niile dara jụụ n'abali abụọ gara aga n'Ojuelegba nke dị na Legọs steeti ebe gwongworo bu osisi si n'elu akwa daa n'elu ụgbọala atọ.

Foto dị ịcheiche na-agagharị na soshal midia na-egosi ebe osisi kwọrịrị ụgbọala ndị so na ihe mberede a.

Ndị ọrụ gbata gbata na-ekwu na ọnụọgụgụ ndị nwụrụ n'ihe mberede a bụ atọ mana ndị hụrụ mgbe ihe a mere nọ na-ekwu na ọnụọgụgụ ahụ ga karị atọ.

Eburu kwara ụfọdụ ndị mmadụ gaba ụlọọgwụ ị nata ọgwụgwọ ebe amabeghị ọnọdụ ndụ n'ọnwụ nke ha so na ya.

Ndị mmadụ, ọ kachasị ndị ntorobia na-egosi iwe ha maka ihe mberede a, na-ekwu na ọ bụ ihe enwereike ịgbochi ma ọ bụrụ na gọọmentị na-arụ ọrụ ka ha si kwesi.

Ha kwuru na ebe ihe yiri nke a mebụrụ mbụ na gọọmentị ekwesila ị me ihe ị hụ na ihe a agaghị eme ọzọ.

@KingNomso kwuru na ugbua abụghị mbụ ihe a na-eme

@cchukwudebelu sị na ọ bụ anya erụghị ala gọọmentị butere nke a

@MrNosegbe kwuru na ebe ihe ruru otu ụbọchị gachara ndị gọọmentị ka gbachị nkịtị

@AustinYugo dọrọ aka na-achị Legos steeti bụ Akinwunmi Ambode aka na ntị maka nkịtị ọ dịka ọ gbachiri gbasara owku a

Isiokwu Ndị Emetụtara

Ihe ndị ọzọ n'akụkọ a