Akụkọ kachasị n'ụtụtụ a: Aka anyị adịghị n'ogbunigwe ahu - Ipob

Ipob agọpụla onwe ha

Otu Ipob akwọpụla aka ha n'ogbunigwe ahụ a turu na be onyeisi Ohaneze Ndigbo bụ Nnia Nwodo.

Odeakwụkwọ mmgbasa ozị ndị otu bụ Emma Powerful sị na ebubo a so na nkata ọjọọ a na-akpa iji mee ka uwa hụwa otu Ipob dịka ndị omeketereihepụụjo.

Cheta ndị uweojii kwuru na ha ji mmadụ abuo a na-eche na bụ ndị otu Ipob bu ndi a sị na ọ bu ha tụrụ ya bụ ogbunigwe

Ndị gọọvanọ akatọla mkpamkpa akpara na Jọs

Otu jikọrọ ndị gọọvanọ na Naịjirịa agbakọla aka katọọ ogbugbu egburu ihe ruru mmadụ narị abụọ na okpuru ọchịchị Barkin Ladi na Riyom nke Jọs, Platu steeti.

Otu a, nke onyeisi ha bụ Abdul'aziz Yari nke Zamfara Steeti, kasiri ogbo ha nke Platu steeti bụ Simon Lalong obi ma kwe ya nkwa na ha ga-ahụ isi ihe a mere.

Ụmụaka kpafuru na mba Thailand

Tata bụ abalị itoolu ụmụaka iri na abụọ bụ ndị si otu egwuregwu bọọlụ Wild Boars Soccer Team na onye nkuzi ha funyuru anya n'ime mpio dị n'ime ugwu a Tailand.

Ndị ọrụ gbata gbata si mba ofesi na ndị nke Thailand na-agba mbọ ịchọta ụmụaka dị na agbata afọ iri na otu na iri na abụọ.

N'egwuruegwu Iko mbaụwa

France na Argentina ga achịpụ ya taa

Tata n'egwuruegwu, ka France na Argentina ga achịpụ ya na elekere atọ nke ehihie a ebe

Uruguay na Portugal ga-hukwa isi ya mgbe ọkụrụ elekere asaa kpọmkwem.

Nke a pụtara na agba nke abụọ iko mbauwa akwụrụgo chim.

Gee akụkọ anyị n'otu nkeji

Lee ihe nkiri anyị