Macron: Lee ka onyeisiala mba France na Bill Gates na-asụ 'pidgin'

Ngwaọrụ gị akwadoghi ọkpụkpọ mgbasa ozi
Media captionEmmanuel Macron gbalịrị ịsụ pidgin

Onyeisiala mba Frans bịọ́ra Naịjirịa maka ọrụ gwara BBC okwu ebe ọ nọ we tapịa asụsụ Pidgin nke nde kwuru nde mmadụ na-asụ n'ụwa.

Macron jiri ohere ahụ gwa ndị mmadụ na ya gwunyere na Legos, na onweghi ihe na-eme ebe ọ na-enwere onwe ya ọṅụ.

Etu ya bụ onyeisiala bụ onye abụọ afọ ya pekarịsịrị n'ụwa siri tapịa asụsụ ahụ, ị ga na-ajụ ma ọ bụ mbụ ọ na-asụ asụsụ ahụ maka na ọ sụtara ya.

Ngwaọrụ gị akwadoghi ọkpụkpọ mgbasa ozi
Media captionLee onye nnọchiteanya mba Britain si ata asụsụ Pidgin

Eziokwu bụ na o nwereike ọ bụrụ na a kuzierela Macron ịsụ Pidgin oge mbụ ọ bịara Naịjirịa ịrụ ọrụ n'afọ 2012.

Oge ahụ, Macron nọrọ ọnwa isii na Naịjirịa. oge a o nwereike ọ bụrụ na o jirila asụsụ ahụ kelee ndị mmadụ maọbụ zụta ihe.

Agbanyeghi na asụsụ Pidgin abụghị asụsụ e ji ede ihe dika nke Bekee kpọro "official language" na Naịjirịa nakwa na mpaghara ọdịda anyanwụ Afịrịka ndị ọzọ, ọtụtụ ndị mmadụ na-asụ ya maka na mmadụ niile na-aghọta ya. O nwereike ike na ọ tara Macron ahụhụ na ọ maghị asụ Pidgin maka na ndị anaghị aghọta asụsụ French na Naịjirịa.

Ndị ọzọ katara ahụ n'ụwa sụrụla asụsụ pidgin bụ onye bụbụ onye kachasị nwee ego n'ụwa ma bụrụkwa onye chọpụtara Microsoft bụ Bill Gates. Lee nke ya ebe a.

Akụkọ ndị ga-amasị gị: