Gọọmentị etiti ekwuola aha ọhụrụ ụgbọelụ Naịjirịa

Image copyright @AsoRock

'Nigeria Air' bụ aha ahọpụtara ga-abụ aha ụgbọelu Naịjịrịa nke gọọmentị etiti na-achọ ibido ọzọ.

Gọọmentị etiti kwuputara site n'akara soshal midia ha na Twitter na ụgbọelu ọhụrụ a ga-agba ụzọ njem ruru iri asatọ n'otu.

Ha kwukwara na ọ bụ njịkọ aka gọọmentị na ụlọọrụ ndị anọghị na gọomentị ka ugboelu a siri pụta.

Minista na-ahụ maka ihe gbasara njem ụgbọelu bụ Hadi Sirika kwuru na ụgbọelu ọhụrụ a bụ iji gosi na 'n'ezie Naịjirịa nwere ike ime ya'.

Ndị mmadụ ekwuputala uche ha gbasara akụkọ a, @odiase_destiny adọọla gọọmentị aka na ntị sị ha mụta ihe n'ụgbọelụ ochie daara ada tupu ha agbape nke a.

@MarkTariebi kwuru na gọọmentị kwesiri ị kpọ ya aha ọzọ.

Hadi Sirika kwukwara na a ga-ebuli ọdọ ụgbọelu ọzọ na Legos nakwa Abụja ma nabata ndị njem ruru nde iri n'otu.

O kwuru na 'Nigeria Air' ga ebido ọrụ n'ọnwa disemba nke afọ 2018.

Akụkọ ndị ga-amasị gị:

Isiokwu Ndị Emetụtara