Akụkọ kachasị n'ụtụtụ a: A ga-amatazị Israel ka mba ndị ofufe Jew

Isiokwu ndị dị mkpa n'ụtụtụ a

Gbasara IPOB na ntuliaka 2019

Ndị otu IPOB agwala ndị mpaghaghara ọwụwa-anyanwụ na ndị etiti Naịjirịa ka ha ghara isonye na ntuliaka 2019.

Ọnụ na-ekwuchitere IPOB bụ Emma Powerful kwuru na ọ baghị uru makana ịchịkọta otu ndọrọndọrọ ọchịchị niile ọnụ agaghị akwụsị mmeri Onyeisiala Muhammadu Buhari na ntuliaka a.

Gụọ akụkọ a n'uju ebe a: Ntuliaka 2019: IPOB sị ka ndị ọwụwa-anyanwụ ghara ime ntuliaka

Na mba ofesi,

Ụlọomeiwu nke mba Israel etinyela iwu ọhụrụ na-akọwa na a ga-amata mba ha ka nke ndị ofufe Jew ma na-akọwa na Jerusalem bụ isi obodo ha.

Image copyright Getty Images

Ndị ụlọomeiwu Israel bụ ndị Arab ekwenyeghị n'atụmatụ a, mana onyeisiala ha bụ Benjamin Netanyahu kwadoro ya.

Ụgwọ ọpekata mpe

Nkenke aha onyonyo Ndị ọrụ Enugwu na-egosipụta obi ụtọ ha

Onyeisi otu Trade Union Congress bụ Bobboi Kaigama kwuru na gọọmentị etiti na ngalaba na-ahụ maka ndịọrụ ekwekọrịtala ego ole ga-abụ ego ụgwọ ọnwa ọpekatampe.

O kwuru na ha ga-ekwuputa ego ole ọ bụ n'ọnwa August na-abịa.

Gụọ akụkọ a n'uju ebe a: Ndị ọrụ oyibo ga-amata ụgwọọnwa ọhụrụ n'Ọgọst - TUC

N'egwuregwu

Otu Arsenal ebinyela ndị otu Porto nwaafọ Naịjirịa bụ Kelechi Nwakali.

Cheta na Nwakali sonyere otu Arsenal n'afọ 2016, mana ọ gbabeere ha bọọlụ maka na ọ gara mbinye n'otu MVV Maastricht nakwa otu VVV Venlo dị na Netherland.

Gee akụkọ anyị n'otu nkeji

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ikọ mgbe ọbụla

Lee ihe nkiri nke taa

Ngwaọrụ gị akwadoghi ọkpụkpọ mgbasa ozi
Media captionNwata a mịrị paịntị ọbara anọ n'otu ọnwa.