Akụkọ kachasị n'ụtụtụ a: Ihe onyonyo egosila onye nchịkọta bọọlụ Naịjirịa ka ọ naara ego

Ihe onyonyo egosila onye nchịkọta bọọlụ Naịjirịa na-anata ego

Nkenke aha onyonyo Salisu Yusuf kpọ otu egwuregwu Naịjirịa garuo agba ikpeazụ nke CHAN 2017

Ihe onyonyo ụlọọrụ 'BBC African Eye' wepụtara egosila otu onye nchịkọta otu egwuregwu bọọlụ Naịjirịa bụ Salisu Yusuf, ka ọ dị ka ọ natara ego iji tinye aha mmadụ abụọ so gbaa asọmpi CHAN nke afọ 2017.

Mana Salisu kwuru na ọ daghị iwu FIFA nakwa nke NFF; na nghọpụta o mere bụ nke ziri ezi.

Achụpụla ndị batara n'Enugwu n'ụzọ ezighi ezi

Image copyright Nigerian Immigration Website

Ụlọọrụ na-ahụ maka ọpụpụ bụ 'Immigration Service' na Bekee nke Enugwu steeti, ekwuola na ha anwụchiela ma chụlaa mmadụ iri asaa na ise (75) batara Enugwu n'ụzọ na-ezighi ezi.

Onyeisi ụlọọrụ ahụ bụ Dora Amahian, kwuru na ọtụtụ n'ime ndị a si na mba Niijee nakwa mba Kameroon.

Saraki asaala oku ndị uweojii kpọrọ ya

Image copyright Getty Images

Onyeisi ndị ụlọomeiwu ukwu bụ Bukola Saraki asaala oku ọzọ ndị uweojii kpọrọ ya maka ohi e zuru n'ụlọakụ dị n'Offa, Kwara Steeti. O kwuru na oku a bụ nkatọ aha n'ihi ndọrọndọrọ ọchịchị.

Nke a dị n'akwụkwọ ozi si n'aka onye ndụmọdụ ya na mgbasa ozi bụ Yusuph Olaniyon.

Ụmụaka tọrọ n'ọgba Thailand ga-abụ ndị Mọnk

Image copyright AFP

Ụmụaka egwuregwu bọọlụ Thailand ga-enweta echichi ndị mọnk mana otu n'ime ha agaghị eso makana ọ bụ onye okpukpere ụka Kraịst.

Nke a bụ omenaala ndị mba Thailand na-eme maka ndị gabigara ihe ike na ndụ.

Gụọ akụkọ a n'uju ebe a:

Nkeji nke ụtụtụ a:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe Nkiri nke taa:

Ngwaọrụ gị akwadoghi ọkpụkpọ mgbasa ozi
Media captionSON: Anyị na-amachị ngwa ahịa adigboroja kwa ụbọchị