Lee eziokwu ihe mere n'ụlọ Ekweremadu

Ike Ekweremadu Image copyright AFP

Ndị uweojii na ndị ọrụ EFCC gbara ụlọ Ekweremadụ gburugburu ụnyaahụ, dịka ọnụ na-ekwuchitere ya bụ Uche Anichukwu si kwuo.

Anichukwu gwara BBC Igbo n'elu ekwentị na ọ bụghị naanị ndị EFCC bịara, n'agbanyeghị na ndị uweojii kwuru na ha abịaghị gbochie Ekweremadu.

O kwukwara na ndị uweojii agụta agụta gbara ụlọ ya gburugburu dịka ọ bụ okeọhịa Sambisa .

O kwukwara na o nwere ka ọ dị maka na ndị EFCC zitere akwụkwọ ozi ha ji kpọọ Ekweremadu oku ka ọ bịa zara ọnụ ya maka ebubo ndị ha boro ya, ma bịakwa n'ime otu ụbọchị ahụ ịbịa gbochie ya ịza ya bụ oku.

N'okwu Ekweremadu gwara ndị ntaakụkọ ka mgbochi ya kwụsịrị, o kwuru na ndị EFCC gbochiri ya ruo awa isii.

Anichukwu kwuru na ha ekweghị ndị mmadụ pụọ maọbụ bata.

Ihe ndị omeiwu bịara mee

Anichukwu gwara BBC Igbo na ndị omeiwu (ma ndị PDP ma APC, ma ndị ugwu, ndịda, ọwụwa-anyanwụ na ọdịda-anyanwụ) bịara ileta Ekweremadu, na ọbịbịa ha gosiri na nkwado ha kwụ chịm.

Gere ihe Anichukwu gwara anyị n'uju:

Ngwaọrụ gị akwadoghi ọkpụkpọ mgbasa ozi
Media captionNdị gbochiri Ekweremadụ ekweghị onye ọbụla pụọ maọbụ bata - Anichukwu

Akụkọ ga-amasị gị:

Ihe ndị ọzọ n'akụkọ a