Benue na Imo steeti ọ n'izu ichutu ndị ọrụ ha

Akụkọ ndị kachasị mkpa mere taa:

Akụkọ ndị dị mkpa n'ụtụtụ a:

Akụkọ na-efegharị ụgbua bụ na mmadu iri na itoolu ndị ụlọomeiwu Imo steeti achụtuola osote gọvanọ Imo steeti bụ Eze Madumere.

Image copyright Channels TV

BBC Igbo gbara onye ndụ ndị ụlọomeiwu Imo Steeti bụ Lugard Osuji ajụjụọnụ, o kwuru na Onye nọchiri anya ya bụ Calistus Okenze bụ onyeisiọrụ n'Imo Steeti dịka Rochas zigara aha ya.

O kwuru na mmadụ iri na itoolu n'ime mmadụ iri atọ na asaa ndị ụlọomeiwu tinyere aka chụtuo ya.

Naịjirịa

Ndị omeiwu nọ n'otu pati PDP na Benue steeti akwụsịla ndị otu ha mmadụ asaa nọ APC ọrụ n'ike.

Image copyright AFP
Nkenke aha onyonyo Samuel Ortom: Otu Miyetti Allah bụ ndịkpatara oke ogbugbu mmadụ na Benue

Ndị omeiwu PDP ahụ ruru mmadụ iri na itoolu na-akwụsị ndị otu ha ọrụ maka ime omume megide ụlọikpe na ime ọgbakọ megidere iwu.

Ndị PDP ahụ kwuru na ọgbakọ ndị APC mere megidere iwu maka na ha erubeghi isi nye mkpebi ụlọikpe nyere ka ha ghara ịga onye bụbụ onyeisi ha bụ Terkimbi Ikyange nso.

Akụkọ mba ofesi

Igwe mmadụ pụtara na Zimbabwe ịtụ vootu na ntuliaka mbụ ha na-eme kamgbe Mugabe pụrụ n'ọkwa ọchịchị.

Image copyright AFP

Ndị si mba ọzọ bịara ileta ya bụ ntuliaka toro ya na ọ na-aga nkeọma ebe ha na-enwe olileanya na ọ ga-anapụta ndị Zimbabwe n'ọnọdụ ha nọ.

N'egwuregwu,

N'egwuregwu, mba Kameroon na onye na-akụziburu otu egwu bọọlụ mba Ịnglandị bụ Sven Goran Eriksson na-akpa ka Eriksson kuziwe otu egwuregwu bọọlụ ha bụ Indomitable Lions.

Image copyright Getty Images
Nkenke aha onyonyo Sven Goran Eriksson

Ihe niile gaa nke ọma, ị mara na ọ ga-anọchi anya onye nkuzi ha pụrụ apụ bụ Hugo Broos.

Gere akụkọ mere na mgbede a n'otu nkeji:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe niile

Ihe nkiri nke taa:

Ngwaọrụ gị akwadoghi ọkpụkpọ mgbasa ozi
Media captionOriri Ịgwa nshị n'Eke ejikọtala obodo niile ọnụ.